رأي المواطن السكندري فيما لمسه من إنجازات وتاثيرها في القطاع الخدمي والعمراني

إعداد وحوار / مايسة عبد الحميد

فى عيدها القومي …كان لعالم النجوم جولة ميدانية لاستطلاع رأي المواطنين والمواطنات فيما لمسوه من إنجازات على مدار عام وتاثيرها في القطاع الخدمي والعمراني، والحقيقة ان حياة الإنسان ومشاكله الخاصة تبقى شغله الشاغل ويقيس التطوير بموجب انعكاسه على حياته الشخصية في الأغلب دون النظر إلى المنظومة العامة وفهم آلية أنعكاس هذا التطوير لاحقًا على حياته الخاصة، من هذا المنطلق أستمعت “عالم النجوم” لطلبات الأخوة المواطنين والمواطنات الشخصية على وعد بنقلها للمسئولين ماكان منها قانونيا واقتضت الأمانة المهنية ان تنشر الجريدة تلك الطلبات كما هي بدون اى تدخل واضعه في الحسبان استجابة السادة المسئولين كما عهدهم أبناء الإسكندرية وكما عهدناهم نحن ، فإلى اللقاءات الميدانية ..

نتعرف بحضرتك؟

رجب عبد الباسط

عندك كام سنة؟

59 سنة

بتشتغل إيه ؟

أنا ماسك عمارة وكنت رجل صنايعي حلواني والشغل مبقتش أد كده

حضرتك ساكن فين؟

أنا ساكن إجار في بيت نسيبي ومعنديش لا بيت ولا غيط ولا بعرف أروح البيت وعندي ولد مخه تعبان عايز يتعالج وراح الجيش بس ماعلجهوش ولفيت بيه على المستشفيات وابني التاني ايده مقطوعة ومش بيساعدني وأنا بضغط على نفسي عشان أقدر أصرف على البيت.

عملت إيه أيام الكورونا؟

الحمدلله على ماشي ببركة ربنا

إيه رأيك في التطورات التي قام بها السيد اللواء محمد الشريف محافظ الإسكندرية؟

ايوه فعلا عمل شغل في شارع 45 وفي نظام

إيه محتاج تطوير؟
المناطق العشوائية.