راقص الباليه العالمي “أحمد يحيي” نجاحي وشهرتي مش من فراغ
حوار / دعاء نصر
أحمد يحي فنان البالية العالمي، وكان من أشهر راقصي الباليه في مصر. ويقدم العديد من العروض، فيداى الأوبرا.وعندما انتهى من أداء العرض كان المخرج والممثل المعروف. والقدير يوسف شاهين يحضر العرض وأعجب كثيرًا بأداء أحمد يحيى ولذلك طلب مقابلته.
وفي اللقاء الخامس بين الفنان أحمد يحيى والراحل يوسف شاهين. كان يحيى قد قام بتوقيع عقد الفيلم الجديد ليوسف شاهين. وكما أنه حصل على دور البطولة وكان ذلك العمل يسمى “إسكندرية نيويورك”. وهذا العمل عام 2004. وبدأ من هنا في التألق والانطلاق.
احكيلنا عن قصة حبك لرقص الباليه وبدأت عندك كام سنة؟
بدأت وانا 8 سنين مش حكاية ان كنت بحب البالية ولا اصلا عارف ايه هو البالية هو أن والدي كان ممثل في الثقافة الجماهيرية. وقدملي وأنا 7 سنين ونص ،أما بدأت أنضج وافهم الموضوع لقيته فيه مميزات ومسابقات في العالم كله،وحسيت انى بعمل حاجة مهمة.
احكيلنا عن العالمي يوسف شاهين وأول مقابلة وازاي قدمك السينما. وايه كان شعورك إن أول عمل ليك هيكون مع عملاق من عمالقة الإخراج؟
كنت بعمل بطولة باليه زوربا في الأوبرا و كان هو من ضمن المدعوين، كان عندنا 6 حفالات ودي كانت اول مرة تتعمل في مصر، كان عندنا 6 حفلات ورا بعض. حضر هو و وزوجته واتفرج وجه كل العروض. وقعدت معاه وقدم لي السيناريو بتاع اسكندرية نيويورك وبس وبدأت الرحلة وطبعا يوسف شاهين. لما يجي يقولي عاوزك بطل فيلمي فمينفعش حتى افكر وافقت طبعا.
ليه اعمالك قليلة ومش دايما متواجد رغم انك موهوب بالفعل؟ هل عروض الباليه وسفرك من بلد لأخر السبب؟
انا بعد اسكندرية نيويورك كان عندي عروض كتير جدا ومع ممثلين كبار جدا. فبعد اسكندرية نيويورك لان انا اجهدت جدا في تحضيره وتصويره. ومهرجانات كان وباريس والمغرب روحنا حاجات كتير جدا. هلكت وكانوا عايزين بعد الفيلم علي طول ان امضي مسلسل وفيلم فانا اعتذرت لان كنت تعبان مرهق وعملت استغماية وكنت البطل برده، بس انا حابب ان اكون لسه ماسك البالية في ايدي.
أيه اكتر بلد بتحب تقدم فيها عروضك؟
فرقة بالية اوبرا القاهرة راحت معظم بلاد العالم كفرقة فروحنا كل مكان في الدنيا، بدأت أسافر مع الفرقة روحنا. كل مكان بالعالم لكن أول بلد تطلبني أنا بالاسم لوحدي بعيدا عن الفرقة كانت إيطاليا ، ربنا كرمني و طلبوني في رومانيا لكن الحقيقة اكتر حفلاتي عملتها ف ايطاليا.
ايه اكتر حاجة عجبتك في أنيا وحسيت انها فعلا هى دى اللى هتكمل معاها حياتك؟
آنيه كانت صديقة عزيزة جدا عليه قبل مانوقع في حب بعض وكنا اصدقاء بناخد رأي بعض وكانت هيا لسه صغيرة جدا ولما جت واحنا في البروفات حسيت في مشاعر بتحصل وحاجات كده غريبة مع ان احنا اصحاب المشاعر دي غريبة كانت بتحصل، من روميو وجوليت بدأ يبقى فيه مشاعر وفضلنا نحب بعض حوالي 3 سنين او 4 سنين، مش جمالها اللى شدنى ليها انا ربنا رزقني بـ آنية وهيا الست اللي تاخذ بأيدك وتطلع بيك فوق مش الست اللي هيا تضيعك بمعني اللي هو في ست تنجحك وفي ست توقف من عزمتك.
من وجهة نظرك السوشيال ميديا بتفيد الفنان وتقربه الفنان من جمهوره ولا هيا بتضر الفنان ولماذا؟
الاتنين طبعا، السوشيال ميديا دي أخطر شئ فى الدنيا وشئ لطيف جدا، شئ خطير وشئ لطيف ليه ميزاته وليه عيوبه الخطيرة، انا بشوف ناس اوقات كتير ملهاش ذنب وعارفها جدا والاقيها ضاعت جدا.
أيه مشروعاتك الجديدة الفترة القادمة؟
انا ان شاء الله من ناحية البالية عندي بسبب الكورونا بسبب اللي بيحصل في العالم ، المفروض أن هيعملوا مسابقة عالية اون لاين للطالبة مسابقة عالمية كانت المفروض كانت بتتعمل في إيطاليا، هيعملوها اون لاين الطالبة بيصوروا الفيديوهات ويبعتها للجنة التحكيم تشوف الفيديوهات فأنا المسابقات دي فيها افتتاحياة او راقصين عالمين يعملوا راقصة افتتاحية وختام فهما هيعملوا اختتام بس براقصين عالمين والحمد لله اخترت انا وآنية في الحفلة دي، هتكون آون لاين لايف كل واحد من المكان بتاعه،في يوم 17/1 ان شاءالله
2020 بما انها اوشكت على الانتهاء؟ ايه الحلو فيها بالنسبة لك وايه الوحش اللى قبلك فيها؟
كانت أسوأ سنة في الحياة، اسوء سنة بجد كل مابفكر ايه الحاجة الحلوة اللي حصلت بالنسبالي، مش هقول علي البشرية مع ان الحمد لله الواحد كنت بحاول اتماسك وبحاول ان يبقى في عروض في الأوبرا وعملنا الحمدلله، لسه مخلص عرض في شهر 10 في الأوبرا. وان الجمهور يجي يبقي احنا بنتحدى هذا الوباء. ويبقي أن الحياة تستمر لكن انا عمال افكر اقسم بالله مالاقي حاجة حلوة حصلت السنة دي لكن انا مؤمن بالله جدا، أن كل حاجه من ربنا ورها خير.
ايه امنيتك لعام 2021؟
اهم امنية انها متبقاش زي 2020 دي اهم حاجة. اي حاجة تبقي موجودة غير 2020، علشان كده كتير بصراحة.
