رامي صبري يوجه رسالة لـ ويجز.. “أنا بحب شغلك لكن مش بفهمه”
كتبت: ثريا الصاوي
استضاف راديو إنرجي المطرب رامي صبري، وتحدث عن ويجز معلقًا: “مش بسمع مهرجانات خالص، أنا رجل متخصص في المزيكا، ودرست تأليف موسيقى وأذني لا تستحمل المهرجانات فهي تحمل دوشة في الكلام، وفي مصر راب لكن مفيش راب لكن اللي بيعجبني ويجز ولكنه دائما مش بيقول حاجة، ومش بيقول كلام، وويجز بيعمل موسيقى ممكن أسمعها ومقلدها من بره، لكن مش بسمع مهرجانات”.
وذلك التعليق أثار غضب المطرب وكتب عبر خاصية ستوري “إنستجرام”، قائلاً: “هما الفنانين مينفعش يطلعوا في البرامج يتكلموا عن نفسهم، لازم أسمى يتحط في جملة ما تبص فى ورقتك”.
أوضح رامي صبري الأمور عبر خاصية ستوري “إنستجرام” حتى لا تصبح أزمة بينه وبين ويجز وكتب: “يا ويجز يا حبيبي أنا قلت أنا بسمعك وبحب شغلك لكن مش بفهم الكلام ده ميقللش من شغلك بالعكس أنت شاطر جدًا ومجتهد وناس كتير بتحب شغلك وما تفهمش كلامي غلط”.
والجدير بالذكر أن المطرب رامي صبري أحيا حفلاً غنائياً ضمن حفلات موسم الرياض الترفيهى بالمملكة العربية السعودية، وقدم عدداً كبيراً من أغانيه منها “كلمة، تعالى، أهد الدنيا، الراجل، غريب الحب، حياتى مش تمام” وغيرها من أجمل أغانيه.
