رجعنا من وسط الطريق .. بقلم / حمادة العسكري
رجعنا من وسط الطريق
بعده إتغير كل شئ
الوقت بيمشي بالبطئ
يوم الفراق بيفوت سنين
جوه قلبي ساب فراغ
الدنيا ماتسواش قرش صاغ
مليش مزاج ومفيش دماغ
من يوم ماغاب قاعد حزين
غيابه بالنسبالي كارثه
مركب حياتي فين ترسى
لو تيجي بس نص فرصه
نظره تهدي نار حنيني
غيابه أيوا عاملي أزمه
كل حاجه ملهاش لزمه
في قلبي أيوا سايب بصمه
أجمل سنين بينه ومابيني
واقفه الحياه بعده وعليه
لسه آه بحطة إيديه
الدنيا آه وجعتني فيه
إختارت أكتر حته توجع
إمتى فرح ليا عاش
يادنيا ده بذات بلاش
ادفع عمري كله كاش
بس جوه حضني يرجع
غيابه بالنسبالي كارثه
مركب حياتي فين ترسى
لو تيجي بس نص فرصه
نظره تهدي نار حنيني
غيابه أيوا عاملي أزمه
كل حاجه ملهاش لزمه
في قلبي أيوا سايب بصمه
أجمل سنين بينه ومابيني
