رضوى الشربيني تحتفل بتخطي متابعيها الـ 14 مليون على انستجرام

كتبت/ بسمة أبو بكر

نشرت الإعلامية رضوى الشربيني عبر حسابها الرسمي على موقع التواصل الاجتماعي إنستجرام صورة جديدة تحمل بها بالونات برقم 14

وعلقت عليها وقالت :”14 مليون سند و وساعدوني علشان اوصل لكل ده … ١٤ مليون کلمه حلوه سمعتها وقت ما كنت محتاجها و طبطبه عليا في كل محنه كنت بمر بيها … ضهر … ١٤ مليون وقفوا 14 مليون بحبكم و بحترمكم … و 14 مليون بوسه و حضن و عرفان بالجميل منی لیکن یا قوتي وأهلي.. million 14″

ويذكر أن رضوى الشربيني قد علقت على تريند “المرأة غير ملزمة” في حلقة برنامجها “هي وبس، أمس السبت، وقالت متسائلة باستغراب:” هل على الزوجة إنها تخدم الزوج! وهل على الزوجة انها تراعي زوجها ولا لا! ..أيوه عليكي أومال على مين!!!”.

كما تساءلت:” مش هتريحي جوزك! مش هتنضفي بيتك علشان جوزك يحس إنه عايش في بيت نضيف! مش هتنضفي هدوم جوزك!! حتي لو مش ملزمة هو الراجل ده بيتجوز ليه!!؟”.

وأنفعلت:”الست الزوجة زي ما ليها زي ما عليها طبعا.. الواجبات ما بتتكتبش في عقد دي واجبات إنسانية وأصول ده اللي اتربينا عليه.. لازم اطبخله وأنضف هدومه وأتاكد من نضافة بيتنا وأخلي بالي من تفاصيله”.

وتابعت:”ولما يروح يتجوز واحدة عليكي تروحي بقه تبعتي لرضوي إنه راجل خاين وتبعتي لماما ولصاحبتك، ونقول بعد كدة بيتجوزوا علينا ليه”.

ونوهت:”الراجل طفل صغير أما أكله في بوقه وأشاركه في تفاصيل تفاصيل حياته وأحسسه إني مهتمة بأصغر تفاصيله.. زي ما ينادي بعدم الخيانة والراجل المخادع يناديني تعملي نفس الشيء وأكتر، لأنك مش بس مراته انت امه واخته وصديقته.. إنتي بتربي جيل هتطلعي بنتك وتربيها إن لا ما تنضفيش وما تطبخيش لجوزك.. كتر خير الراجل لو راجع من شغله متأخر وكل في طبق وقام شاله حقيقي كتر خيره” .

يذكر أن رضوى الشربيني تقدم برنامج “هي وبس” أيام الخميس والجمعة والسبت من كل أسبوع، في تمام السادسة مساءً بتوقيت مصر عبر قناة CBC سفرة.