“رمضان صلاح” يشارك بـ صور مع النجمة تيسير فهمي في يوم ميلادها

نشر رمضان صلاح محمد ذكرى له مع النجمة تيسير فهمي احتفالًا بعيد ميلادها اليوم 

 

حيث نشر “رمضان” صور له مع الفنانة عبر حسابه الخاص على موقع التواصل الاجتماعي فيسبوك وعلق عليها قائلًا

في سنه 2008 كنت أول مره اشتغل مع الأستاذة تيسير فهمي وكنت وقتها سكريبت ملابس فقبل التصوير بفترة كل شوية يبلغوني الأستاذة بتسأل عليك وبتقول هو سكريبت الملابس مش بيكلمني ليه علشان نظبط شوية حاجات

والحقيقة أنا كنت بتجنب تماما إني اكلمها لأني كنت بخاف منها .. أيوة كنت بخاف من تيسير فهمي لأن ذكريات الطفولة مع الأستاذة كانت مرتبطة معايا بمسلسل ( أبناء ولكن )

 

وهي علشان ممثلة عظيمة اتقنت دورها في المسلسل ده كانت مرعبة لكل الناس وخصوصا الاطفال

 

وتابع… واول يوم تصوير رحت قابلتها وقلتلها أنا بخاف منك ولقيتها بتهزر معايا وطلعت من اطيب واشطر البشر إللي قابلتهم في حياتي 

 

في عيد ميلاك حابب اقولك كل سنه وانتي طيبة وبخير يا تايجر ومبسوط إني في يوم من الايام اشتغلت معاكي 

 

الصور دي من مسلسل الهاربة إخراج استاذنا محمد ابو سيف .. في الصورة الاولى الاستاذة تيسير واللي في النص ده سوني وكان وقتها مساعد اول وانا اللي على الشمال