ريم البارودي تكشف سبب رفضها المشاركة في برنامج رامز جلال

كتبت / مادونا عادل عدلي

تحدثت وكشفت الفنانة ريم البارودي كواليس رفضها المشاركة ضمن ضيوف برنامج المقالب الخاص بالفنان رامز جلال، مشيرة إلى أن الضيوف يعلمون حقيقة المقلب قبل المشاركة.

وأضافت «البارودي» خلال استضافتها ببرنامج «من قريب» تقديم الاعلامي نزار الفارس: «رامز جلال طبعا البرامج متفق عليها، لكن في تريكات ما أنا مش هاجي أديك آجرك بالدولار ويكون ضعف أو أكتر عن اللي بتاخده في بلدك وطيران وتنقل وإقامة وتيجي تمثل كانوا عملوا مشاهد تمثيلية، لكن على ما اعتقد في حلقات لازم تبقى في ناس مش عارفين فيها ولكن الأقل ضررا اللي مش هيعملوا لي مشكلة».

وعن سبب رفضها الظهور في برنامج «رامز جاب من الآخر» في رمضان 2024 قالت: «عشان مقاليش بس أنا عرفت، أنا كنت عارفة أنه رامز وأنا قلت إني بخاف من الحيوانات، ولكن المُعدة قالت لي أنه المرة دي لعب وأنه سيظهر بنفسه مقولتيش الحقيقة، لكن إحنا كزمايل وأصحاب بنقول لبعض، أنا عرفت أن فيه ضيف آخر في الحلقة، وبصراحة شايفة أن رامز جلال بينجح، طول السنين الناس بتطلع تنتقد لكن هو ناجح».