ريم مصطفى: “اتجوزت وانا عمري 19 سنة وعندي ولدين”
كتبت: ثريا الصاوي
كشفت الفنانة ريم مصطفى، لأول مرة عن تجربة زواجها التي امتدت لمدة 10 سنوات قبل أن يحدث الانفصال بعد طلبها، من خلال برنامج “كلمة أخيرة” المذاع على قناة ON وتقدمه الإعلامية لميس الحديدي.
وقالت ريم مصطفى: “اتجوزت صغيرة جدًّا كان عندي 19 سنة والتجربة دي كانت من أهم التجارب اللي في حياتي وعلمتني أهم حاجة تختاري شريك حياتي وأبو ولادي ابن ناس ولكن احنا كنا مختلفين تمامًا ودي كانت مشكلة إنما هو ما كانش وحش”.
وتابعت: “كنت بقعد اتكلم معاه إننا لما ننفصل يكون بهدوء بعيد عن المحاكم وتربطني بيه علاقة صداقة واحترام بعد الانفصال ويوم لما هبقى عايز آخد رأيه في حاجة هكلمه والحمد لله طلعنا عيال كويسة جدًّا”.
وأضافت ريم: “قعدت متجوزة 10 سنين واتطلقت علشان كنا مختلفين من السما للأرض برغم إننا عمرنا ما اتخانقنا وما كانش فيه بيننا مشاكل”.
ولفتت: “الست ما تقدرش تكمل في الزواج لما يكون فيه عدم إحساس بالأمان أو السعادة، ولو راجل خاين أو كداب فهكون حاسة بعدم الأمان، ولو هو مش هيضيف لي سعادة هنا يجب الانفصال، اتجوزت طليقي عن حب مش زواج صالونات، وأخذنا قرار الطلاق في هدوء وجلسة ودية وقلت له إننا ننفصل طالما مش عارفين نتفاهم ونتفق، وطلاقي كان القرار الصح”.
