زوجة حسن شاكوش: “اختيار غلط محدش يعتب علي والحمد لله”
تحفظت قوات الأمن على مغني المهرجانات حسن شاكوش، وذلك أثناء تنفيذها قرار تمكين زوجته ريم طارق من فيلته في مجمع سكني شهير.
واشتبك حسن شاكوش لفظياً مع زوجته في أثناء تنفيذ قرار التمكين، موجهاً لها سيلاً من التهديدات والسباب بحسب ما نقله محاميها فهد مرزوق.
وكشف محامي زوجة شاكوش أنه في لحظة استلام موكلته للفيلا وتوقيعها على قرار التمكين، وخروج أسرة مغني المهرجانات، سبّها بألفاظ خارجة على حد وصفه، في حضور مساعد مدير أمن الجيزة وعناصر من قوات الأمن.
وتحفظت الشرطة على “شاكوش” ونقلته إلى قسم أول أكتوبر، وجرى استجوابه، كما توجهت زوجته ومحاميها إلى القسم نفسه لإثبات ما تعرضت له لحظة تنفيذ قرار التمكين.
وأتمت قوات الأمن تنفيذ قرار تمكين ريم طارق من الفيلا، بعدما أخرجت منها أسرة “شاكوش” بالكامل، وهم عبارة عن 10 أفراد من بينهم والدته وأشقاؤه وزوجاتهم.
وصدر قرار التمكين لصالح “ريم” بعدما اتهمت “شاكوش” بطردها والاستيلاء على إيصال أمانة يتضمن مؤخر الصداق الخاص بها في مايو الماضي.
وأجرت جهات الأمن حينها تحقيقاتها في الاتهامات المتبادلة بين مؤدي المهرجانات وزوجته.
وتقدمت ريم طارق ببلاغ لقسم شرطة أول أكتوبر بمديرية أمن الجيزة ضد زوجها حسن شاكوش، اتهمته فيه بطردها خارج منزل الزوجية.
وأكدت في محضر الشرطة أن “شاكوش” استولى على أموالها وسرق ذهبها، وأثاث الزوجية بعد نشوب خلافات بينهما، وتهديدها بالطلاق.
ظهرت ريم طارق، زوجة الفنان حسن شاكوش، في بث مباشر عبر حسابها بتطبيق Instagram توضح مستجدات أزمتهما سويا.
قالت ريم طارق: “مافيش حجة اسمها صلح، في مشكلة كبيرة إن بنت تتحملها مع جوزها أو عيب ماينفعش الواحدة تتحمله، وهي بتبقى عايزة تخرج بكل ود أو تشوف حل في المصيبة دي لأن هي مصيبة لأن هو دا اللي عايزه اقوله دلوقتي، اختيار غلط محدش يعتب علي، والحمدلله”.
وعن قضية التمكين، قالت: “الفكرة كلها أن أنا خدت تمكين عشان حاجتي وهدومي وكل حاجة متعلقة بيا، خرجت وجيت تاني يوم أخد حاجتي، وكدة كدة رفعت قضية طلاق، اتمكنا عشان اخد هدومي وحاجتي ورحت امبارح مع بابا، ووقف برا بعد ما حسن شاكوش طرده، وأهله وصلوا بعد نص ساعة، كدة كدة مش هينفع اعيش مع واحد مهددني بالقتل، وحلقة (شيخ الحارة) كل اللي اتقال فيها صدق وأنا اللي اتضحك علي”.
وتابعت: أهله على راسي بس هم كانوا مهددني، وأنا اثبت دا في محضر في القسم، والتمكين أنا خدته، ومكنش ينفع أرجع لأن أهله كانوا في البيت، طلعت على القسم وعملت محضر، ورحت انهاردة الصبح البيت عشان معايا تمكين ومفتاح البيت، ولقيت الامن بيقول لي استاذ حسن مش جوا ومانعرفش إنك اتمكنتي، والنجدة جات لي وهو امتنع عن تنفيذ قرار النيابة وحكم المحكمة وكلم أمن الكامبوند وقال لهم تطلع على القسم وتروح تشوف لها حل مش هتخش، ولما جت النجدة قالوا له ان هو امبارح قالهم انا طلقتها، وهي ملهاش تمكين، وحتى لو طلقني لي شهور عدة 3 شهور، والتمكين مش معناه اني اعيش معه.
وأضافت: هو ممتنع انه يديني حاجتي حتى لبسي وورق القائمة والمؤخر، وهو اختلطت عليه الأمور انه هيعرف يعمل كدة مع مين، انا من بعد ما فتحت الاكاونت دا وصل لي من كذا بلد ان بنات متاخد منها حقوقها وفلوسها وهدايا الماظ وسيارات وورق عرفي، عملت كل دا مع الناس دي عشان مكنش الكلام بينكن رسمي، من المغرب والجزائر ودبي والكويت والتجمع، الناس مستوية منك.
وتابعت: أنت جيت عندي واتجوزتني ليه عشان تداري ايه، انت اتعرضت لأيه قبل ما تخطبني عشان كدة قررت تروح تتجوز؟ ايه الحاجة اللي كنت بتداريها، الحاجة دي انا عرفتها، مش عارفة اقول لك ايه بصراحة، لحد دلوقتي محدش سمع اني بقول عنه حاجة، هو طلعني مريضة ومزورة عمل كل حاجة تغطي على الحاجة اللي عنده اللي مش عايز حد يعرفها اللي انا بردو عرفتها.
واستطردت ريم: اتقال لضابط النجدة ان انا اتطلقت، فلو انت طلقت عشان قضية الطلاق اللي انا رفعتها وعرفت سبب الطلاق اللي انا رفعاه قبل ما تتعرض على القضية دي انهاردة، فانا خلاص مابقاش في سر، فلو انت طلقت عرفني عشان اقول للناس ايه السبب اللي خلاك تيجي تخبط على الناس وتقول انا عايز دي من 3 سنين بنت الجيران اللي مابتسبش فرض اللي سجدت شكر لله وعملت كل الحاجات دي، اقول السبب بقى اللي انت جيت وقولت انا عايز بنت ناس عشان انت اعترضت على واحدة وقولت انها مش بنت ناس من تفكيرك ووجهة نظرك
أما عن زواجها الأول، قالت: أنا كنت متجوزة قبله سنة في نوفمبر 2020 وانفصلت في فبراير 2022، وهو سأل علي قبل الجواز وغنى في فرحي القديم، لو سمحت البني ادم دا ليه جمهور وبيستخف بعقولهم وبيقول انا بحافظ على ولاد الناس انا هدومي الشخصية عندك بتحتفظ بيها ليه، بس البنات كتير وبتاخد هدوهم تعمل بيها ايه؟ انت ليه عايش في جو المؤامرة دا انت مش محتاج، أنا كنت مغفلة، انا معرفش انك بتقبل ان شيخة تجيب لك سلسلة من ورا جوزها، الحاجات كتير اوي وانا برا عني، ماتخصنيش اللي يخصني انك قولت امبارح قولت احنا بنحافظ على ولاد الناس وقولت حاجات وانا سكت، انت ليه معترض انك تديني حاجتي اللي عندك محتفظ بيها ليه.
وردت ريم عن اتهامها بأنها تسعى وراء الشهرة، قائلة: “سبب اني فتحت الاكاونت دا اني اعرف ارد عليه، وأول ما الموضوع يخلص هقفل الاكاونت، مش مختاجة شهرة ما انا ممكن اتصور واتشهر، لكن لقب مرات مش عارف ايه دا عبء عليا، الناس كانت بتقول لي انتي اتجوزتي الشيخ الشعراوي أتاري الناس عندها نظر أنا مكنتش عارفة، وتاني يوم جوازي قال لواحدة ان جوازي منها فيلم،وبعتت لي الرسايل بينهم، انت ضحكت على البنت دي ليه، وانت قايل ان احنا مع بعض بقالك 3 سنين، ايه جو المؤامرة دا، انت فيك ايه زيادة عن البني ادمين؟ مافيش حد يعرف بنات غيرك، لو سمحت أنا مش واحدة من الناس اللي انت ضحكت عليهم واستخفيت بعقولهم الناس دي ممكن يكون مكنش ليهم ضهر، أو بيخافوا منك، وانت كنت قايل لي ان اي واحدة بتعمل لك حاجة بتنزل لها الحكومة في المكان اللي بتشتغل فيه، وتروح انت كواسطة خير تخرج عشان تبين لها ان انا الصدر الحنين، ركز في اللي انت بتعمله عشان عيب انت المفروض جيت وقعدت معايا في بيتنا وقولت لي ان الاتنين اللي اتجوزتهم شرعي واحدة كانت بتشتمني والتانية كانت مابتعمليش وباردة ومابتريحنيش، وأنا عملت لك كل خاجة، قلبت لي مجنون حاولت اعالجك، أنا مقصرتش معاك في حاجة وعمري ما كنت استوعب الغدر”.
وأضافت: اهلي اعترضوا على فكرة الاكاونت وانا اقنعت بابا انه في ناس ربها السوشيال ميديا وبتخاف من الفانز اكتر، انا عمري ما هسامحك على انك كنت سبب في ان انا اتحرم من ثواب رمضان، وبردو انا اللي مشيت ورا جهل وتخلف عشان ارضي جوزي وانا كنت فاكراك كويس، والبنت اللي بعتت لي يوم الخطوبة وحذرتني وانا اسفة اني ماسمعتش كلامك بس انا كنت عمري ما اتخيل ان في شخص في كل العيوب دي
أما عن تصريحات شاكوش حول مرضها بمرض يمنع زواجها، قالت: “أنا حابة اشكرك أنت والشخص التاني اللي كان في حياتي عشان انتم اتهمتوني كنت مريضة فدا يثبت ان انا محدش يتكلم عني، انت كان عقلك يجيبك تقول انك دخلت لقتها مع واحد، فانا مبسوطة انك قولت ان عندي مرض احسن ما تقول حاجة تانية، ووارد انك تقول اي حاجة عشان تداري الخاجة اللي احنا عارفنها”.
وأضافت: يابن الحلال دخلنا بالمعروف وهنخرج بالمعروف واديني حاجتني اللي عندك، وعرفني احنا اتطلقنا ولا لأ عشان اعرف اكمل في قضية الطلاق للضرر ولا اقول للناس لأني معنديش اي استعداد ان واحدة تتظلم تاني، كل الناس اللي انت دوست عليهم كلموني وبعتولي رسايل وفيديوهات وبعتوا لي كل حاجة.
وتابعت: انا طلبت نتعرض على الطب الشرعي احنا الاتنين، انا لا واحدة مزقوقة ولا عايزة منك فلوس ولا فيلا لو كنا عايزين منك حاجة كنا كاتبناك على ورق كتير.
واختتمات قائلة: كل اللي هقوله ان اي واحدة شايفة ان انا غلطانة تروح تتجوزه وتعيش معه وتقرر ايه اللي هيحصل وايه اللي مش هيحصل وهترضى بايه ومش هترضى بايه.
