سارة نخلة: غادة عبد الرازق حالة فنية خاصة.. وهتبقى نمبر 1 دراما رمضان 2025

أكدت الإعلامية سارة نخلة أن قناة هي تستعد لدخول موسم رمضان 2025 بقوة، من خلال تقديم واحد من أهم وأقوى الأعمال الدرامية لهذا العام، وهو مسلسل “شباب امرأة”، بطولة النجمة الكبيرة غادة عبد الرازق.

وقالت سارة نخلة في برنامجها آخر اليوم على قناة هي: “السنة دي هنشوف دراما استثنائية بكل المقاييس، لأن قناة هي مش بتقدم مجرد مسلسل، لكن بتقدم تجربة فنية متكاملة، مسلسل هيعيش مع الناس وهيخلي رمضان 2025 مختلف تمامًا.”

وأضافت: “كلنا عارفين قصة “شباب امرأة”، لكن المرة دي هنشوفها بلمسات عصرية وإخراج جديد، ومع نجمة بحجم غادة عبد الرازق اللي هتفاجئ الجميع بأداء استثنائي في دور “شفاعات”. غادة مش بس ممثلة، دي حالة فنية خاصة، وكل مرة بتقدم حاجة مختلفة، والسنة دي هتشوفوها في شكل وأداء هيخلي كل الناس تتكلم عنها، وهتبقى نمبر 1 دراما رمضان.

وأشادت سارة نخلة باختيار قناة هي لهذا العمل، قائلة: “إحنا في قناة هي دايمًا بنبحث عن الأفضل، مش بس عشان ننافس، لكن عشان نكون في الصدارة، وعشان نقدم لجمهورنا محتوى قوي يليق بيه. “شباب امرأة” مش مجرد مسلسل، ده عمل درامي هيعيش مع الناس ويكون حديث السوشيال ميديا طول رمضان.”

واختتمت تصريحاتها قائلة: “أنا شخصيًا متحمسة جدًا، ومبسوطة إننا في قناة هي بنقدم عمل بالقوة دي.. رمضان 2025 هيكون مختلف مع “شباب امرأة”، وهنثبت إننا القناة اللي دايمًا بتقدم الأفضل لجمهورها.”

https://www.instagram.com/reel/DFve_ANTRZR/?igsh=eHI5ZGUyOWV0ZjVl