سحر مصر قالوا فيه مليون كتاب
بقلم / حمادة العسكري
تعالى مصر أدخل أمان من أي باب
دا سحر مصر قالوا فيه مليون كتاب
دا أهلها أول حضاره ف اللي فات
من غير ألات بنوا أهرامات عجب العجاب
رمز الجمال صدق اللي قال أم البلاد
نبع الحياه حاميها آه رب العباد
بلد السلام من غير كلام وبدون نقاش
فيها الجنود واقفين إسود سُمر وشداد
تعالى مصر أي وقت الدار أمان
دايما يامصر مرحبه وفاتحه البيبان
بين أهلها كل الضيوف أصحاب مكان
ناس طيبين وقت الأنين أبطال تبان
تعالي مصر شوف بعينك الخيال
ف أرض مصر إنت ف حضرة الجمال
إدمان هواها وبحرها إدمان حلال
ساكن جمالها وسحرها حتى الحيطان
تعالى مصر قعده حلوه وناس كــُـتار
حاجات كتير متحف كبير وأجمل أثار
جميله مصر هى جنة الحياه
كورنيش ونيل منظر جميل ليل أو نهار
عظيمه مصر بأهلها لأخر الزمان
دا أهلها وقت الخطر أأمن مكان
دا سحر مصر خلى أي عقل تاه
بلد الهرم أصل وكرم عزه وكيان
تعالى مصر أي وقت الدار أمان
دايما يامصر مرحبه وفاتحه البيبان
بين أهلها كل الضيوف أصحاب مكان
ناس طيبين وقت الأنين أبطال تبان
تعالي مصر شوف بعينك الخيال
ف أرض مصر إنت ف حضرة الجمال
إدمان هواها وبحرها إدمان حلال
ساكن جمالها وسحرها حتى الحيطان
