سميح ساويرس يشرح للميس الحديدي سبب نقل إدارة المهرجان
كتب: شادى أسامة
عزى المهندس سميح ساويرس نقله لادارة مهرجان ” الجونة ” السينمائي لشركة اوراسكوم للتنمية بعد أن كانت مستقلة إلى كون المهرجان أصبح يتسم بالاستمرارية ويعقد سنوياً وبالتالي كان لزاماً ان تنقل تبعيتة إلى إدارة المدينة لكن ساويرس إستطرد في لقاء مع الاعلامية لميس الحديدي على شاشة ” ON” في سهرة خاصة بمناسبة إفتتاح مهرجان الجونة في دورته الرابعة قائلاً ” صحيح نقلنا إدارته لكن كل الناس الي قومت المهرجان معانا من بدايته هما هما معانا بس بيشتغلوا تحت مظلة الشركة لاننا إرتاينا أن المهرجان سيقام للابد فلازم المدينة والشركة هي الي تقوم بالادارة “.
مشيراً إلى أنه في خططه لادارة المهرجان يعتمد على ماسبقه من تجارب ثم الاعتماد على المناسب منها وتقليده ثم يبني عليها في إطار التجويد قائلاً ط حاجة مش صعبة إحنا بنشوف الناس بتعمل إيه وناخد المناسب ونقلد ونجود برضه والاتنين مش عيب ولما بدانا نقول عاوزين نعمل مهرجان كان لازم وإحنا بنبنيه نعمله مهرجان عالمي وإلا يكون مالوش لزمة لاننا ماينفعش نعمل مهرجان محلي أو مستواه أققل من مهرجانات أخرى وإلا الافضل مايتعملش “.
تحدي كبير
مشيراً إلى أن عقد المهرجان في ظل تداعيات كورونا هو تحدي كبير بالنسبة له قائلاً ” كان تحدي كبير وأنا اصريت عليه وكنت منتظر مؤتمرفينسيا لانه هيعقد ايام الجائحة وموافقة الدولة ثانياً وده شجعني ومنحني الاصرار .. ولازم كنا نعمله بطريقة تشرف البلد لانه المهرجان الاقليمي الوحيد في الشرق الاوسط “.
مؤكداً أن الجونة بات مهرجاناً على خريطة المهرجانات الدولية منذ عام 2019 وكل سنة بنحس بافلام جديدة وإقبال أكبر وتابع قائلاً ” كل سنة كم الافلام ونوعيتها بيتطور وبيزيد أنا فاكر اول سنة نعمله كنا بندلل على الافلام ونقول للناس عشان خاطرنا تعالوا ويقولوا مش عاوزين مهرجانات مش معروفة دلوقتي مش بنبذل مجهود 10% من الي عملناها في أول نسخه ليه ولولا كورونا لكنا هنشوف عدد ضخم من الممثلين والمخرجين والمنتجين اكبر من الي موجود دلوقتي “.
