سيد الطيب لـ محمد صبحي: أحنا أسفين ليك يا أستاذ
نشر الفنان سيد الطيب عبر صفحته الشخصية على فيس بوك للأستاذ محمد صبحي ردًا على كلام عبير صلاح الدين عن الفنان محمد صبحي وسبب ابتعادها عن الوسط الفني لعدة سنوات،قائًلا..
الاستاذ محمدصبحي
اتصل بي حسن بلبل الريجي الاستاذ محمد صبحي عاوز يشوفك لأنه مرشحك للعمل في مسلسل ملح الارض..ورحت وقابلته وحصل حوار بينا واقتنع بي واشتغلت وكان بيناديني اثناء التصوير اول يوم باسم الشخصيه لملوم وبعدها اصبح يناديني باسمي وزود لي مشاهد وبعدها طلبني في مسلسل انا وهؤلاء بدلا من الراحل غريب محمود وقال ان سيد هيعمل الدور كويس ونصحني اقرا الورق كويس علشان اعمل الدور كويس وعشت معاه تجربه ثريه اتعلمت منه الانضباط والتركيز واحترام المواعيد واحترام السيناريو والحوار المكتوب ولو فيه اضافه استأذنه فيها وكان بيوافق او يقنعك ان ده ضد الشخصيه ..بعدها كلمني في منتصف الليل المنتج ممدوح شاهين وقللي انت اول ممثل توقع العقد بعد محمد صبحي لانه كاتب شخصيه في المسلسل اسمها علي اسمك الطيب ومرشحك للدور وده في مسلسل رجل غني فقير جدا واشتغلت وزودلي اجري وكان بيعاملنا كلنا بشكل حضاري ولما اتقلب بينا مكروباص الشغل واحنا راجعين من التصوير علي الدائري جالنا المستشفي في منتصف الليل وجات المرحومه زوجته واطمن علينا واتصل ببرنامج البيت بيتك وعمل مداخله هاجم فيها الداخليه لانها مش موفره سيارة اسعاف علي الدائري واستجاب حبيب العادلي وزيرالداخليه وامر بتمركز عربيتين اسعاف علي الدائري بشكل مستمر..ولما رقدت في السرير كان كل يوم يتصل يطمن علي ويرفع من روحي المعنويه..دا الاستاذ محمد صبحي القيمه والقامه والتاريخ المشرف اللي اتشرفت انا وغيري بالعمل معه..لكن تيجي واحده محدش شافها ولاحس بيها الا من خلال دور يتيم عملته معاه وتتجاوز في حقه بغير حق فلا والف لا..واحنا اسفين ليك يااستاذ.. واستاذ.. لأنه لايصح ذكر اسمك مجردا الا ويسبقه لقب الاستاذ
