شغل عوالم… تفاصيل حلقة 15 من مسلسل اش اش 

كتبت / مادونا عادل عدلي 

في بداية الحلقة 15 تدخل اش اش على المعلم رجب الحجرة اللي في الفندق والمعلم رجب قال لهادي عليه اش اش عايزك في حاجه انت قلتي لي انك نازله الصالون قولي لي الحقيقه كنت فين واش اش بتقول له بصراحه كده يا رجب انا كلمت نصه ابن خالتي من وراك والمعلم رجب مصدوم وبيقول لها ليه وهي بتقول له انا كلمته علشان يجيب لي الفلوس اللي انا محوشاها في البيت 10000 جنيه وطلعتهم ليه وقالت له علشان بصراحه كده انا ما اتعودتش اطلب فلوس من حد علشان لو احتجت حاجه اجيبها لنفسي والمعلم رجب بيقول لها انت عبيطه اش اش هو انا حد ده انت مراتي واش اش بتقول له اصل انا طول عمري متعوده انا اللي بجيب كل حاجه لنفسي

والمعلم رجب بيهزر معاها وبيقول لها خلاص يبقى نقسم ال 10000 دول

شادية جمعت مختار ولبنى وعبد العاطي وفاتن علشان تكتب كتاب مختار على لبنى وحضرت الماذون ومختار وهم قاعدين وقبل ما يكتبوا الكتاب اتصل بالمعلم رجب الجريتلي وقال له انا امي جايبه ماذون دلوقتي ولبنى موجوده وعايزه تكتب كتابي عليها من ورا ابوها بس انا بتصل بيك دلوقتي واللي هتقول لي عليه هعمله لو قلت لي اكتب الكتاب هكتبه لو قلت لي لا هفض الليله دي كلها دلوقتي والمعلم رجب بيقول له اي حاجه هتضايق فرج انا معاك فيها رغم ان جوازك من لبنى ده هيزود العداوه ما بينا بس انا معاك اتكل على الله.

وشادية بتقول له رغم ان انت اول لما اتصلت برجب انا كنت عايزه امسك الشبشب واديك بشبشبين على دماغك يا مختار بس موافقته دي ريحت قلبي اكتب يا مولانا اكتب

بوشاكش سرق ال 3 مليون جنيه اللي اداهم رجب لاخلاص تعويضا عن ايه اللي حصل لها زمان

واخلاص بتقول لتيسير ونصه وصفا هو انا مكتوب عليا اتسرق وانا صغيره واتسرق وانا كبيره وتيسير بتقول لها بوشكاش غلبان وشويه وهيرجع ونصه بيقول لها هو مين ده اللي غلبان يا اما ده ابويا هيحقق احلامه كلها بالفلوس دي هيشتري بيهم كلهم حشيش وهيحبس نفسه لحد لما يفضل يشرب فيهم ويموت

واخلاص بتقول انا لازم اكلم اش اش وتيسير بتقول لها هي اش اش فاضيه لايه ولا لايه مش كفايه رجب وشاديه هنشغلها كمان بمشاكلنا وبعد كده تيسير بتقول لاخلاص انا في حاجه كده عايز اقول لك عليها انا بصراحه كده قلت لبوشكاش على موضوع الظابط

ونصه بيقول لها ظابط ايه ياما وتيسير بتحاول تلم الموضوع وبتقول لهم اصل اش اش كانت عايزه تعمل محضر في مختار على قسيمه الجواز المضروبه بس رجعت في كلامها مش كده يا اخلاص.

واخلاص بتقول لها بوشكاش فين يا تيسير انتم مش لاعبينها مع بعض وتيسير بتقول لها انت بتشكي فيا انا يا اخلاص انا لو كده كنت لعبتها من زمان ايام لما كنا عايشين في عز وبعد لما كبرنا هلعبها مع بوشكاش الله يسامحك يا اخلاص 

المعلم رجب اخذ اش اش علشان تسكن في شقتها بعد لما جهزت وقال لها خذ المفتاح واطلعي شقتك وانا هدخل المحل ابص على حاجه وهطلع لك على طول وهي طالعه على السلم قبلت شاديه

واش اش تقول لها بس اسكتي يا شاديه انا كنت هضحك ضحك يوم لما كنت طالعه عندي الشقه فوق ورجب حط لك خط بس مسكت نفسي من الضحك علشان ما يعرفش اللي في نيتي ليكي اصل انا وربي وما اعبد هنعيش مع بعض رحله سافله يا هجلطك يا هجلطك

وشادية بتقول لها مش ناقص غير انت يا تربيه العلمه انت ما تعرفينيش

واش اش بتقول لها سايق عليك يا مره ما تعوجليش بقك وتعملي لي فيها حمله علشان انت اللي ما تعرفينيش مع انك اللي بلسانك اني تربيه علمه

وقبل بقى من تربيه العوالم حياه مليئه بالهز واللي جاي ده اولها

*سمعت صوت رجب طالع على السلم*

اش اش بتقول لشاديه انا مش هرد عليك احتراما للمعلم رجب والكلمه اللي انت لسه قايلاها دلوقتي الله يسامحك عليها يا ستي

والمعلم رجب دخل عليهم وبيقول في ايه شاديه عدي يومك واي حد هيبص ليه اش اش في الطلعه او في النزله حواره وهيبقى معايا انا

اطلعي انت على شقتك يا عروسه

شاديه بتقول للمعلم رجب البنت دي كدابه يا رجب رجب بيقول لها تتكلمي عليها باحترام بعد كده ورجليكي فوق رقبتك دي مراتي سامعه ولا لا وبعدين عملت اللي في دماغك برده وجوزت مختار ولبنى من غير ما اعرف الوحيد اللي رجع لي مختار

وبعد كده المعلم رجب بيقول لهم ما علينا تعالى مختار عايزك نتكلم في اللي يجيب همه وبياخده وبيدخل الاوضه وبيتكلموا لوحدهم

والمعلم رجب بيقول لمختار على فكره انا كنت هستصغرك قوي لو ما كنتش كلمتني ومختار بيقول له ما انت مستصغرني فعلا يا حاج ما انت لو ما كنتش مستصغرني ما كنتش هتخبي عني مكان المخزن

والمعلم رجب بيقول له هو انت ما سالتش نفسك انا اتجوزت ليه؟ 

هو اه شوق للدلع بس انا ما كنتش عايز اعملها من سنين بس انت وامك اللي شجعتوني اعملها انا سمعتك مختار وانتم بتقولوا انكم عايزين تورثوني بالحياه باماره هطل الشيب اللي حل عليا

ومختار بيقول له كنت سكران الله يخرب بيت الخمره يا حاج والله العظيم كنت سكران

ومختار بيقول له يا حاج والله انا عمري ما فكرت كده ده انت حسك عندي بالدنيا والمعلم رجب بيقول له انا هديك نصيحه عجبتك هدى ما عجبتكش ارميها في البحر ما تديش ودنك لشاديه علشان لو مشيت وراها هتقلعك بلبوص وساعتها مش هتلاقي حاجه تستر بيها نفسك

جهز نفسك علشان على اول الليل هنطلع مرسى مطروح نقابل التجار علشان عايزين نظبط الشغل معاهم لان اكيد الدنيا عكت دلوقتي بعد لما عرفوا ان احنا فضينا الشراكه مع فرج