شيرين عبد الوهاب في اعترافات صريحة مع جمهورها ومن أبرزها.. “صحافة بلدي هي اللي عملتني”
كتبت: ثريا الصاوي
تفاعلت المطربة شيرين عبد الوهاب مع جمهورها من خلال الرد على أسئلة متابعيها عبر حسابها الرسمي بموقع إنستجرام.
وبدأت الأسئلة “هل فعلًا حسام حبيب زي ما الناس بتقول أخذ فلوسك
لترد قائلة “بصراحة حق الله حسام عمره ما أخد مني فلوس ولا استفاد مني ماديًا بل بالعكس انا معرفتش تحوش فلوس ليا غير لما اتجوزت حسام، هو كان عكس اللي بيتقال تمامًا هو كان بيحافظ ليا علي مالي ودي حاجه هتسأل عليها قدام ربنا”.
وأعربت عن حبها للصحافة المصرية بعد توجيه سؤال لها “ليه مش بتحبي الصحافة المصرية” قالت “الكلام ده مش مظبوط خالص أنا صحافة بلدي هيا الي عملتني وليها فضل كبير عليا وأنا أفتخر بصحافة بلدي”.
ومن بين الأسئلة أيضًا كان “إيه بيلفت انتباهك في الراجل” وكان ردها “أول حاجه بتشدني في الراجل شخصيته لما بتكون مميزه ويكون عاقل”.
كما لفتت إلى أن الشعور المسيطر عليها الأيام دي هو “تطوير شيرين” وأن الأغنيه التي تعبر عنها هى “أنا كتير”
وعن سؤالها في قضية أمال ماهر “رأيك في قضية أمال ماهر” قالت “الموضوع ده حساس وخاص أنا مقدرش أتدخل في شئ خاص بالذات إني شخصيًا إتأذيت في حياتي الشخصية واتقال عني كلام غلط كتير ف أنا مقدرش أتدخل في موضوع خاص”.
وتابعت: “بس أمال ماهر لو طلبت عيني اديهالها، إحنا ايه عرفنا ان فيه مشاكل كل ده كلام بيتقال من غير إثبات خصوصًا إن أهلها قالوا ان مافيش مشاكل وان أمال زي الفل”.
ومن بين هذه الأسئلة “هل ندمتي في يوم من الأيام إنك دخلتي الوسط الفني” معلقة “ساعات بندم بس ندم ليه علاقة مش بالفن لكن ليه علاقة بالمشاكل اللي بتيجي بسبب الشهرة، كل مجال ليه إيجابيات وسلبيات”.
