صاحب الطرب الفنان “عمرو عادل” مشوار فني عظيم و قريباً “أستاذة الروقان”
حوار / آيه سالم
مين هو عمرو عادل ؟
أنا عمرو عادل الملقب بصاحب الطرب من مواليد محافظة الإسكندرية ، مطرب و ملحن بدأت الإتجاه إلى الغناء في عام 2015 قبل كدا كنت لاعب كره قدم في كذا مكان و لكن خوفاً من الإصابات الدائمة اللي ممكن تأثر عليا تركت كرة القدم بالرغم من عشقى لها و كنت من و أنا طفل جوايا هواية الغناء لكن مكنتش ظاهرة أو مستغلها و لكن مع الوقت عائلتى و أصدقاء ليا بدأو يقولولى صوتك كويس و أنا بستمر و بغنى و لكن كل فترة و أنا مع العيلة و صحابى لكن من عام 2015 بدأت فعلا أدور علي الموهبة اللي جوايا و أخرجها و بدأت أغنى كتير لصحابى و بدأت أدور علي أى فرصة غناء و من هنا بدأت الإنطلاق .
حدثني عن مشوارك الفني ؟
بدأت مشوارى في الغناء في المدرسة بقيت بطلع في الإذاعة و أقول حاجات دينية و وطنية و هكذا و حفلات المدرسة و بدأ تشجيع المدرسين و أصحابى و في الفترة دى كان في تجارب أداء برنامج arab got talent و دى كانت أول مرة أخود جراءة كدا و روحت و طبعاً منجحتش و بعدها قابلنى ناس و كلمونى و كانوا عاملين فريق بيضم مجموعه كبيرة من كل فئات المواهب و روحت مستفدتش أى حاجة لأن مفيش تعليم و بعدها روحت سايبهم و جمعت أنا و ناس كانت في الفريق دا فريق مستقل بينا و سميناه كلابكسو و قدمنا حاجات كتير و حققنا ناجاحات و بعد سنين كتير إنفصلنا و مازلنا أصدقاء حتى يومنا هذا و كملت الطريق لوحدى أنا فعلاً من بدايتى حتى الأن بعلم نفسي بنفسي و بذاكر عن المزيكا و أنواعها و الغناء و الأساسيات و كل دا بنفسي و كل تجربة مريت بيها كنت فعلاً مبسوط بيها و حالياً أنا معايا فريق كامل شغالين مع بعض و في تعاون مستمر معايا الموزع و مهندس الصوت زياد زيتون ( مارد ويف ) اللى متعاونين مع بعض في أغانى كتير نزل منهم 3 أغاني كلمات الشاعر “عمرو هشام” اللي متعاونين مع بعض في حاجات كتير نزلت و فى لسه هاينزل الفترة الجاية و معايا مدير تصوير مسؤل عن أى كليب بيتم تصويره و مونتاج و إخراج هو محمد مصطفى تيڤا و فى المسؤول عن أى فيديو ب lyrics و هو مازن معجزة فيعني معايا تيم كامل في كل شئ و بإذن الله قريباً في حاجات كتير هاتنزل و بإذن الله نتمنى إنها تعجب الناس و دى من أهم الحاجات اللى مبسوط بتحقيقها .
طلعت علي قنوات Dmc / Al nahar / Ten / و القاهرة اليوم مع إدوارد / وصدي البلد و المحور / و نايل فاملي / و المصرية / و الثانية / و القاهرة / و إسكندرية و راديو ميجا إف إم / و راديو أن / و راديو البوابة نيوز / كشك ذيع موهبتك .
أنا اللي عامل إعلان النادى الاهلى لماتش السوبر 2020 اللى فى الإمارات تبع أبو ظبى الرياضية كانت الشركة كلمتنى و عملت الإعلان و إستضافوني علي قناة الغد في الإمارات .
و عملت حفلات في جميع محافاظات مصر و عملت حفلة مع إتصالات مع مسار إجباري في حضور 35 ألف حضور في نادى الحرية و علي الهلباوي و عملت حفلات في ساقية الصاوي و مكتبة إسكندريه و جميع قصور الثقافة ، و فى فيديو طلع ترند علي مستوى الوطن العربى و هو فيديو في نفق بمحافظة الإسكندرية .
ما هي أنوع الأغاني و الموسيقي التي تفضلها ؟
بحب أسمع كل أنواع المزيكا بصراحة الغربى و الشرقى بس مش بحب المهرجانات بحب جداً الإندرجراوند .
ما هي الأغاني التي قمت بطرحها ؟
دهب ، فى المحنة ، علشان مضطر
هل ستقوم بطرح أغنية جديدة قريباً ؟
أه فى أغانى كتير هتنزل قريب و بالذات إحنا داخلين علي فترة الصيف فهينزل أغاني فرفشة شوية علشان اللى فات كلو نكد فهنزل حاجة كدا إسمها “أستاذة الروقان” هتكون من كلمات محمد عمر الجمال و ألحانى و عايز أقول إن كل الأغانى اللى نزلت و اللى هتنزل من ألحانى
و إحتمال قريب برضو يكون في كليب .
