صانع المحتوى إسلام رجب لـ”عالم النجوم”: حابب يكون ليا أثر في تغيير ناس كتير وصوتي وكتاباتي يوصلوا لأكبر قدر ممكن
حوار / أحمد الدخاخني
إسلام رجب, شاب مصري يبلغ من العمر 23 عاماً, وهو من أبناء محافظة أسوان, يدرس حالياً نظم المعلومات الإدارية, وفي مشوار ” إسلام” يسعى نحو تطوير مهاراته بداية من ممارسة هواية الإلقاء الصوتي والتصميم والإعداد وتسويق الحلقات ونشرها على المنصات, وفي خلال شهر واحد استطاع الشاب أن يقوم بتنفيذ 200 تصميم على تطبيق «Canva» وبشكل احترافي لصفحات مختلفة, وقام بإنشاء صفحة على موقع الفيس بوك تحت اسم ” من منظور تالت” وفي أسبوع واحد من إنشائها وصل عدد المتابعين إلى 1000 متابع, كما أصبح له بودكاست تحت اسم “قهوة بدون سكر” على منصة Google Podcast, بجانب مشاركاتي مع TEDX و GDSC – ALAZHAR, ووصل إلى التطور الملحوظ في الكتابة والإلقاء الصوتي وصناعة المحتوي وذلك في شهور معدودة. وما زال يسعى نحو تحقيق أهدافه.
وفي حوار خاص تواصلت ” عالم النجوم” مع المصمم الشاب إسلام رجب, وذلك للحديث عن بداية مشواره في عالم التصميم وصناعة المحتوى, والصعوبات التي كان يواجهها في مشواره, بجانب أحلامه الكبيرة التي يسعى لتحقيقها في المستقبل, على النحو التالي.
كيف كانت بدايتك في التصميم ؟
بدأت عن طريق برامج كتير جداً بحكم اني بقدم بودكاست, واشتغلت على برامج كتير شعبية ومعروفة عشان أقدر أصمم لوجو ليا, بس استقريت على برنامج canva وبقيت محترف فيه, وكمان بصمم لصفحات كتير بحكم أني ماسك إدارتها.
ما هي الصعوبات التي واجهتها في مشوارك ؟
الصعوبات إني بشتغل من موبايل وبعمل التصميم أحياناً من برامج كتير مش برنامج واحد, الموضوع مرهق لأني بدرب ساعات كتير بشكل يومي عشان اتحسن ده غير أن الموضوع أخد ٧ شهور بدون عائد مادي.
هل شغفك الأكبر عند الفويس أوفر أم التصميم ؟
أنا بحب الراديو وكل شىء يتعلق بالصوت والڤويس اوفر قريب ليا, لكن التصميم واخد مساحة أكبر في الوقت الحالي.
هل معنى ذلك أنك لا تفكر في عمل محتوى جديد على اليوتيوب ؟
ممكن أعمل كده مستقبلاً وهيكون بودكاست على ما اعتقد, أنا ليا بودكاست حالياً اسمه قهوة بدون سكر علي جوجل بودكاست.
بم تنصح الشباب ؟
بنصح بالاستمرارية بصراحة لأني لولها مكنتش وصلت لمستوي حلو في المجالات اللي بمارسها في الوقت الحالي, اكيد فيه مطبات كتير بتحصل وصعبة وانا مقدر ده بس النتيجة تستحق.
هل حصلت على جوائز أو تكريم ؟
لا بصراحة بس كل مكان شاركت فيه كنت بكون من العناصر المُميزة وباخد شهادة على ده.
ما هي أحلامك الكبيرة التي تسعى لتحقيقها في المستقبل ؟
حابب اني يكون ليا أثر في تغيير ناس كتير وكمان صوتي وكتاباتي يوصلوا لأكبر قدر ممكن.
