ضحية تحرش ” العمرانية ” للميس الحديدي: كنت راجعة من درس خصوصي وعاكسني
صرحت ضحية تحرش “العمرانية” للإعلامية لميس الحديدي كنت راجعة من درس خصوصي وعاكسني ولما رفضت شتمني وضربني بالقلم على وشي!
الناس في الشارع في ” منطقتي ” ماوقفوش ” جمبي وهدوه ومشوه وكنت مرعوبة أنزل الشارع تاني
ابويا وأمي واصحابي شجعوني أنزل أعمل محضر وفوجئت بسرعة القبض عليه وسعيدة بده
رسالتي لكل بنت : ماتسكتيش حقك هيتجاب إعملي محضر عشان مايعملوش كده مع ناس تانية
روت ضحية التحرش ” ليلى ” المعروفة بإسم فتاة العمرانية إعلامياً تفاصيل تعرضها لواقعة التحرش أثناء عودتها من الدرس قائلة : ” كنت راجعة من الدرس وأنا في ثانوية عامة واثناء سيري في الشارع فوجئت بأحدهم يسير بجواري بسيارته وإعتدى عليا لفظياً بألفاظ خادشة للحياء ..قلي كلام فظيع مش كويس .. وحاولت تجاوزه وإكمال سيري “
تابعت في مداخلة هاتفية خلال برنامج ” كلمة أخيرة ” الذي تقدمه الاعلامية لميس الحديدي على شاشة ” ON” قائلة : ” وعندما حاولت سؤاله بعد سبي وقلتله حضرتك بتكلمني أنا ؟ فوجئت بيه بيضربني بالقلم على وشي .
أكملت : كنت خايفة اوي منه وقررت مانزلش الشارع تاني وقتها حيح تعرضت لمعاكسات قبل كده بس المرة دي كانت سباب وشتايم وضرب على وشي ووقتها أصبت بالصدمة والذهول إزاي أتضرب ؟ وماعرفتش أتصرف ؟ لكن صاحبتي ساعدتني وأخدت رقم العربية “.
وحول ردود أفعال الشارع وقتها قالت : ” سألوه أنت بتعمل كده ليه ؟ وهدوه ومشوه ورغم أني بنت المنطقة بس ماحدش وقف جمبي “
تابعت : ” بعد ماصاحبتي صورت رقم العربية قلت لماما وأخدت بعضي ونزلت أعمل محضر في القسم بتشجيع أمي واوبويا وأصحابي “
وأكدت أنها كانت مرعوبة من الواقعة قائلة : قلت لنفسي لو الشخص ده ماتقبض عليه الشخص ده هيكرر فعلته معايا ومع بنات تانية وأكيد عملها “.
وحول مشاعرها بعد القبض عليه قالت : ” مكنتش متخيلة يتقبض عليه بسرعة وبشكر كل الي دعمني ووقف جمبي وبشكر كل الناس واصحابي وأهلي والشرطة “.
ووجهت رسالة للفتيات اللاتي يتعرضن للتحرش قائلة : ” ماتسكتيش هيتجاب حقك وماتخافيش كنت الاول زمان بخاف أتكلم في مثل هذه المواقف لكن المرة دي إتحركت وماقدرتش اسكت بعد مامد إيده علي وماتوقعتش ده أبداً “.
