طارق شوقي مفيش تعطيل دراسة أو مفيش مصيف

طارق شوقي المطالبات بقى و الهاشتاج بتاع وقفوا الدراسة مش هتمشونا بمزاجهم

طارق شوقي.. صرح وزير التربية والتعليم والتعليم الفني، إنه كانت هناك محاولات على الجروبات والسوشيال ميديا وشائعات عديدة من أجل تعطيل التعليم بشكل أو بآخر، مستنكرًا: “المطالبات بقى والهاشتاج بتاع وقفوا الدراسة، دول مش بس عاوزين الدراسة توقف، دول عاوزين يعلمونا إزاي نحط النمر والدرجات”، موضحًا أن من ضمن المطالبات “واحد قال قعدنا في البيت واحسبوا درجات الترم الأول”.

طارق شوقي لن يتم تصعيد طالب للسنة الأعلى دون أن يستكمل المحتوى الدراسي.

وصرح “شوقي” أيضاً ، خلال مداخلة هاتفية في برنامج “القاهرة الآن”، مع الإعلامية لميس الحديدي، على شاشة “العربية الحدث”، أنه إذا كان هناك لأسباب موضوعية قرارات اتخذتها الدولة ككل تدعو إلى إيقاف الدراسة لن يتم تصعيد طالب للسنة الأعلى دون أن يستكمل المحتوى الدراسي المطلوب منه، “دي وظيفة وزارة التربية والتعليم”، متابعًا: “لو تم تصعيد طالب من سنة 5 سنة 6 ابتدائي يبقى أنا بأقر إنه أخذ كم معين من المعارف مطلوبة منه، وساعتها مش همضي أنا على القرار أو الكلمة دي”.

وزير التعليم  لو أخذنا أجازة شهر هنحاسب الناس على المنهج كامل.

وتابع: “الناس اللي بتقول متحسبوش باقي المنهج أو تشيل جزء من المنهج، هذا ليس من شأن الناس إنها تطالب بيه، ثانيًا ده مش هيحصل، يعني لو أخذنا أجازة شهر هنحاسب الناس على المنهج كامل، أو هنزود السنة الدراسية شهر كمان، (مش يلا بقى نقفل ونمشي، يبقى إحنا كده متعلمناش)”.

شوقى أكمل حديثه  فيه ضريبة ندفعها لو حصل كده.

أكمل شوقي حديثه قائلاً:

“فيه ضريبة ندفعها لو حصل كده، متجيش بقى بعد كده نقول والله عايزين نصيف إحنا مصيف ناش، لا الكلام ده مش هيحصل، لو حصل وحركنا الدراسة شهر أو شهرين بسبب فيروس كورونا، هناخدها في الصيف لإما هنمتحن في كل المحتوى المقرر”.

وعن احتساب غيابات الطلاب الذين يتخلفون عن الذهاب للمدرسة، رد: “لم يتغير في الأمر شيء سوى على السوشيال، لم نقل شيئا مما يسأل عنه الناس ولا الصحفيون، إحنا مقولناش حاجة لو قولنا حاجة حاسبونا عليها”، موضحًا أن المدارس لا تعتبر تجمعا وقرار رئيس مجلس الوزراء لا ينطبق على المدارس، والأمر في يد الوزراء المعنيين بالتعليم ومعهم أجهزة الدولة، موضحًا أنه لا يوجد في مصر ما يستحق الجدل والخوف حتى اللحظة الحالية.