طباع سيئة تكاد تكون مميتة … بقلم: مصطفى العموري

آه منك انت يا عم الخاين  يا غدار  يا ابو وشين 

شربت السم ده كله  وجبت الغل ده كله  منين ؟

والكره والخبث واللؤم  ده كله جواك  طب ساكن فين ؟

والحقد والخيانة  والغدر والناقصة    

هو انت مين ؟

صناعه ابليس  اكيد مـ هي دي كلها طباع  شياطين .. 

مرضتش بنصيبك و بصيت لغيرك  

ومحبتش لحد  الخير 

ف حتي سعادتك وفرحتك  بقيو منك هربانين 

دايما كئيب  دايما حزين   وشايل الهم   يا غراب البين 

محبوس جوا نفسك  و عايش للغل اسير 

الكل حواليك حر  طليق   وانت وحدك اللي  سجين 

ربنا خلقك ع الفطره  والقلب الابيض  السليم 

باختصار  خلقك  انسان  

بس انت اللي اتبدلت   ع مر الايام و السنين

واخترت طريق وطبع  العقارب  والثعابين  

وبقيت مسخ عايش ميت   وقلبك اسود زي الطين.

طباعك مش لاقيلها أي تفسير 

حتى نظرتك الرجوله  انت فيها غلطان 

تحس كده ان مخك التاني تعبان 

لا عمر الرجوله كانت بالمال

ولا  بكتر الحوارات والكلام  

ولا بالجلابية والشال 

ولا بالبدلة  وكثر العيال 

ولا بالمنصب  ولا انت ايه شغال

كل حاجه مهما الزمن طال   

بيجيلها يوم تتكشف و تبان 

الرجوله  ان يكون ليك كيان 

انك تكون شجاعا في الحق  مش جبان 

انك تصون الغير وتحفظ الجميل وتكون انسان 

 وأن يكون ليك دايما وسط الناس مكان 

والكل يبقى عملك في حضورك وغيابك مقام   

 الرجوله يا سيدي  بـ الاخلاق والافعال.

وانت ماشي تبخ في سمك 

   وعامل ان محدش عارفك 

يابني صدقني والله  الكل  كاشفك 

انت مش خادع حد  انت بتخدع نفسك

مش معنى انى مغمض عيني   بقى مش شايفك

دي كل الناس بتحرص منك 

والكل خلاص عرفك   وعرف اصلك وفصلك 

بتقدر ازاي تبص لروحك  ف مرايتك ؟

فقدت وسط الناس المصداقية  ونزلت قيمتك

ومهما حاولت خلاص  وسط الاوباش بقي وضعك 

 وتأليفك ع الناس وتوقيعك  م بينهم  هو همك  

ياخي بص مره لحالك  ولنفسك  ومصالحك 

واللي بيقعد يسمع ف كلامك وحكايتك وروايتك

يا تري بيبص ف عينك و لا بقعدته بيتقي شرك  

وبيضيع وقت  او اكيد زيك  وشبهك

عامل انك ناصح او ذكي ومداري  يا خيبتك !

ده الناس مش طايقه تشوف وشك 

الناس بس   من كرم اخلاقها   مش عايزة تصدق

واللي مش عايز يحرجك  او يجرح كرامتك  او يقلك

واللي خايف يهينك   واللي مراعي سنك .

طب بتلاقي  ناس حواليك   ولا الكل دايما سايبك !

نصيحه ..غير وأصلح من نفسك  

 امشي وسط الناس بالأخلاق  وارفع اسمك

امشي صح وعدل مسارك   حتى علشان ولدك

يحسو  بالفخر والعزة   أن جت يوم سيرتك 

حب للكل الخير   هتلاقي الخير بقي عندك  

هتحس بفضل الله ونعمه  ويزيد عزك  

طالما ربنا سامع وشايف   حمدك وشكرك

هتفرح بعيالك  وهيزيد مالك  وتضحك لك ايامك 

وهتسعد باعمالك  ف اخرتك  وكمان ف حياتك 

وهي تزيد عند الناس  والله  غلاوتك 

هتلاقي الكل  دايما بقي حواليك وجنبك 

وإن وقعت يوم    هتلاقي الف مين يمسك يدك 

  صدقني  …. عملك والله راجعلك ….

قل آمنت بالله  ثم استقم   واستغفر من ذنبه

و اعمل خير هيقف دايما وياك   ربك