طليقة شقيق ياسمين عبد العزيز تخرج عن صمتها مبيصرفش على أبنه

طليقة شقيق ياسمين عبد العزيز الفنانة دفعت سنتين وقالت ظروفي مش سامحة في مشكلة!!

طليقة شقيق النجمة ياسمين عبد العزيز، مي أبو ربيع كشفت العديد من الأمور الخاصة بعلاقتها مع طليقها خاصة بعد الجدل الذى أثاره بهجومه على شقيقته بسبب علاقتها بالفنان أحمد العوضى وصورها معه من عيد ميلادها الأخير، والأمر الذى انتهى بإعلان الثنائي ياسمين والعوضي عن حبهما لبعضهما.

طليقة شقيق ياسمين عبد العزيز تكتب على حسابها الشخصي

مى كتبت على حسابها بموقع “فيس بوك”:

“أنا طليقة وائل عبد العزيز أخو ياسمين عبد العزيز.. أولا وائل مش بيصرف على ابنه من يوم ما اتولد وأنا انفصلت منه وابني عنده 5 شهور ولحد دلوقتي ولا بيصرف عليه ولا حد من أهله بيصرف علي ابني غيري..

ابنى عنده دلوقتى 11 سنة، مؤخرًا بس من 3 سنين ياسمين قالتلى انا متكفلة بمصاريف الدراسة دفعت سنتين ومش المصاريف كاملة كمان، وبعد كده قالتلي أنا ظروفى متسمحش ادفع مصاريف تاني.. قلتلها انتي اللي عرضتي تدفعي قالتلي

(ورجعت في كلامي في مشكلة!) ده الموضوع باختصار.. وياريت محدش يجيب سيرة ابني لو سمحتوا.. وحقي وحق ابنك هاخده بالقانون”.

وكان ردها بناءً على رد أحمد العوضي

الذي لم تمر ساعات قليلة على ما كتبه وائل عبد العزيز حتى رد عليه أحمد العوضى برسالة عبر حسابه بموقع فيس بوك وانستجرام قال له فيها :

“انهى بيت اللى ادخله من بابه.. ان كانت هى اللى بتصرف عليه وعلى ابنك اللي مخبيه وراميه وهي بتدفع له مصاريف مدرسته.. باب ايه يا ابنى ادخله هو انا شفت راجل واقف جنبها.

دي واحدة انت مبتعملش حاجة غير انك بتستنزفها هي ومامتها.. باب ايه يا ابنى الى هدخله من بابه واكلم واحد بيتكلم على عرضه ولحمه قدام الناس.. يا ابنى انا من عين شمس منطقية شعبية اتربيت على ان الأخت والام والست الكلام عليهم من الكبائر.

عربية ايه يا ابنى انا اجرى الحمد لله يعيشني كويس ويجيبلي عربية حلوة وبيت كويس.. بمجهودي وشغلي مش على عرق واحدة ست.. باب ايه يا حبيبي اللي ادخله وانت أصلا عايش باسمها.. انا شقيت على حالي بعرقي.. لكن انت فشلت في كل شيء فشلت كممثل وفشلت كأب وفشلت كأخ وفشلت كبنى آدم”.