عادل الخضري: كنت بدي المتعهد رشوة علشان أغني في الأفراح.. والمنافسة بيني وبين حكيم شريفة

كشف المطرب الشعبي عادل الخضري، تفاصيل دخوله الوسط الفني، موضحًا أنه كان هناك منافسة شريفة بينه وبين المطرب حكيم.

وقال عادل الخضري، في لقائه مع الإعلامية إنجي هشام، في برنامج “المنسي” المذاع عبر شاشة قناة “هي”: أنا الأول كنت بسمع لأم كلثوم، وكنت بنام على الكنبة ولما الناس تصقف لها كنت بتخيلهم بيصقفوا ليا أنا وكنت بنحني وأحيي الجمهور.

وتابع: الغناء الشعبي كنت بغني في أفراح بلدي، وعلشان أغني فيها كنت بروح للمتعهد اللي ماسك الليلة أديله رشوة مقنعة زي ما بيقولوا أجبله زجاجة برفان علشان أطلع أغني أغنية، ومع الوقت بقيت بشتغل بفلوس وبقيت باخد 150 جنيه في الليلة، وبعد كده عملت الألبوم.

وأضاف: حكيم كان قبلي بسنة، ولما نزلنا ألبوم فين كلامك، كان في منافسة شريفة حلوة، وأغنية لو أنت نار أنا ماية كانت بتاعة حسن الأسمر وأنا غنيتها، كنت قاعد مع المؤلف وسمعني الكلام قولتله الأغنية دي بتاعتي لو حسن الأسمر مش هيغنيها.

وبرنامج المنسي، من تقديم الإعلامية إنجي هشام على شاشة قنا هي، ويُعرض يوميًا في تمام الساعة العاشرة مساءا، طوال شهر رمضان، ويحل عدد من نجوم الفن ضيوفًا على برنامج المنسي، للحديث عن بدياتهم وتفاصيل مشوارهم وتفاصيل التحديات التي واجهتهم على مدار مشوارهم الفني.