عاشق مضيع خلو .. بقلم: علي بدر سليمان

 درب الوفا صاير صعب كتير
والشوك مزروع بالقلب كلو
عم يتألم هالقلب خايف عبكير
ينسى هالحب ومايعود يوصلو
لما بعينك تشوف العصافير
عم تغرد عالاغصان وتدلو
عم تعلم هالزغير كيف يطير
ليش الحبايب مابيتذكروا يطلوا
والحب اللي كان بالقلب كبير
ضاع ومابقي غير الأثر محلو
حلو هالطفل الزغير حلو يصير
كبير وينزع جوانا هالأسى كلو
يلي تسرق نظرات عكتف البير
شفلي هالصبايا كنو مروا وهلوا
اسألن كنو شافولي بنت الأمير
يحكولها حكاية عاشق مضيع خلو