علاء حسني .. فنان موهوب ومتمكن الأداء في حوار صريح مع عالم النجوم

إعداد وحوار/ دعاء نصر 

علاء حسني فنان موهوب متمكن من ادواته أستطاع أن يثبت اقدامه داخل الوسط الفنى بجدارة.  وأن يتميز داخل الوسط بالاعتماد على موهبته التي أثقلها بالدراسة وورش التمثيل،

حصل على درجة بكالوريوس تجارة “قسم محاسبة” و بكالوريوس المعهد العالي للفنون المسرحية “تمثيل وإخراج” واستكمل دراسته بدبلومة الإخراج الدرامي في المسرح ” دراسات عليا”.  وهو حالياً مدرس مساعد  .. وقد شارك في العديد من الأعمال الفنؤة المتميزة. منها  عرض خاص ومولد وصاحبه غايب وبين السرايات وأخر أعماله الدرامية المسلسل الذي حقق صجة ونجاح ساحق “مملكة أبليس”في دور الشيخ رمزي شخصية متناقضة وتفتقد المبدء. وتفسر الدين على حسب المصلحة.

معانا اليوم الفنان علاء حسني في حوار صريخ وخاص وحصري لجريدة عالم النجوم  …

علاء حسني  .. دراستك بمعهد الفنون المسرحية أضافت لك إيه  .. هل تنصح أى موهوب إثقال موهبته بالدراسة ولا الموهبة تكفي؟

في البداية عايز أذكر حاجة مهمة جدا وهي أن الأستاذ زكي طليمات عندما سألوه هل التمثيل محتاج دراسة فقال مقولة عجباني جدا “انشاء المعهد يقصد الدراسة تحرر الممثل من الجهل” ..

أما دراستي بالمعهد ، المعهد طبعا دى حاجة عظيمة جدا. حاجة فيها خبرات أساتذة كبيرة جدا عندك مناهج وتجارب مختلفة تجارب إنسانية وتجارب فنية وعندك ممارسة عملية وتجريبية لاساتذه. دول والمبدعين اللي اسمائهم موجوده في كل مكان في المجال سواء مسرح ولا سينما ولا فيديو ولا  إذاعة أو حتى في مجال التدريس نفسه

ما أعظم الواحد يبقي أن يكون في موجود مكان  ، يهتم بتنمية أدواته كممثل و يعمله مساحة كبيرة جدا يقدم له مساحة معرفية كبيرة جدا حول تخصصه. الدراسة بتفيد ثقل الموهبة وتوسيع الأفق والادراك بجوانب الشخصية او العمل الفني بشكل عام انا مش عاوز اتكلم عن التمثيل بس.

الممارسة والتدريب والممارسة العملية والخبرات الانسانية كل دا المعهد بيقدمه  ، مكان يرعى الموهبة بشكل كبير جدا، في الدراسة افادتني كتير جدا.  وفرقت معايا كتير جدا الفهم الإدراك التكنيك اللي أنا بعمله الحاجات دي.

علاء حسني ينصح كل موهوب بالدراسة

أنصح أي حد انه يدرس لابد من الدراسة لحد دلوقتي أنا ممثل ومدرس مساعد في المعهد الحمد لله يعني. ومدرب تمثيل فأنا ليه ورشي الخاصة وليه حاجاتي غير ورشة النقابة برضه بدرب فيها فأنا لعبة التدريب أنا حاببها جنب التمثيل نفسه، بنصح اي حد فيها دارس أهلا وسهلا اي حد حتي بيسالني بشكل عام على الفيس بوك أو شافني في اي مكان اي حد مهتم بالتمثيل واي حد نصحيتي ليه دائما لازم الدراسة لازم يكون فاهم هو مقبل علي ايه وفاهم التكنيك وفاهم الوسيط اللي بينقله سواء اختلف عدسات سينما عدسات فيديو عدسات ميكروفون إذاعة خشبة مسرح.

لازم يكون فاهم الفروق بين الأوساط المختلفة ، وأنه يشتغل على الدور والموهبة وإدارة التعبير أو أدوات تعبيره أو أدواته التعبيرية علشان المصطلح يكون صح بشكل كبير جدا يخدم بيها الدور دا كله، ويعبر عنه حسب الوسيط اللي ناقل فلابد من الدراسة. والممارسة وليست الدراسة فقط لأن الدراسة للمعرفة ولكن الممارسة للتدريب وتنمية الأدوات طوال الوقت.

عملت دور في فيلم مولانا وكان قصة إبراهيم عيسى جسدت دور جمال مبارك ولاقى هذا الدور رغم أنه يعد ثانويا لاقى ناجحا باهرا ورد فعل كبير كلمنا عن الدور وعن كواليس الفيلم؟

 فيلم مولانا دا يعني ظروفه ظروف الترشيح حتي سبحان الله فجأه كدا مكنتش مرتب له ولا كان في حساباتي ولا اعرف ان فيه فيلم اسمه مولانا.

انا كنت لسه مخلص مسلسل بين السرايات كان طبعا إنتاج شركة العدل الاستاذ جمال العدل والأستاذ محمد العدل كنت انا عارفه قبل كدا أو كان هو كان  عارفني كان شافني في مسلسل اسمه عرض خاص وكنا مستضفين فيه مجموعة كبيرة جدا من الفنانين والمنتجين والمخرجين والممثلين بأسمائهم الحقيقية فكان اللقاء وقتها واعتقد أن شاف المسلسل وعجبه واكد المعرفة واتاكدت المعرفة دي في بين السرايات لما شافها وشاف دوري فيه وكانت الموافقة منه لما اتذكر اسمي أني أعمل الدور والحمد لله والله ربنا وفقني انه يوصل طبيعي وحقيقي لان دي شخصية معاصرة والناس شيفاها ولمساها وحواليها لغط وجدل كتير جدا وعليها أضواء طول الوقت.

وغير كدا هو معاصر وموجود مكنش يهمني ابدا اني أقلده كشكل خارجي كان يهمني ابقي روحه علي الاقل او اقرب لروحه شوي كباب للمصداقيه  كفتح باب للمصداقية مع الجمهور والحمد لله توقعات ردود الأفعال فوق المتوقع بكتير والله فضل ربنا كبير الحمد لله، والدور دا بجد إن الله لا يضيع اجر من احسن عملا  ..

الحمد لله الحمد لله وبشكر ربنا على الدور دا، وبحمد ربنا عليه وفرحان انه في السينما بصراحة يعني  ، كواليسه هايلة جدا الاستاذ مجدي المخرج اول مرة اشتغل معاه الراجل مكنش يعرفنى بمثابة مشاف بروڤا دراي للمشهد اللي بنصوره بروڤا قبل التصوير يعني الراجل قال أمين علي طول اتبسط جدا وكان مبسوط بإختياري وادائي والحمد تماما  ، والدور دا فرحتيني  عاملي حاله حلوة جدا وعقبال يارب كل حاجة حلوة في السينما اتمني يعني.

علاء حسني أثبت خفة دمك في مسلسل بين السرايات ومعظم مشاهدك كانت مع الفنان سيد رجب و مقالبكم في بعض  .. لو اتعرض عليك عمل كوميدي هتعمله؟

بالنسبة لإبراهيم في بين السرايات انا بشكر الاستاذ سامح عبد العزيز، وإسلام يوسف مهندس الديكور، بشكره انه رشحني لـ أستاذ سامح وأستاذ سامح برده شافني برده كان ترشيح من مسلسل بدون ذكر أسماء فانا كنت رايح على شخصية تانية، اساسا شخصية الشرنوبي وبعدين عمرو عابد وفي مساحة واحب اشكر الاستاذ سامح، أنه كان حابب اكون معاه.  قولتله طيب اية رأيك اعمل ابراهيم قالي بجد تعمله قالي دا اقل مساحة قولتله لا انا حابب اعمله دور مختلف معملتش حاجة لايت كوميدي قبل كده كان نفسي ان اعمل فعلا الدور ده.

الفنان سيد رجب ربنا يكرمه طاقة حلوة وكوميدية كاريكاتير رائع يعني غير انه محب لشغله جدا ومخلص ليه وقعدنا مع بعض وقعدنا نفكر و لعبناها كده كانها لعبة قط وفأر،

بخلاف كمان القماشة مكتوبة حلوة الاستاذ احمد عبدالله حلوة تقدري تزودي عليها وتضيفي وتنتجي منها شئ اخر يعني فناء ميخرجش عن القماشة نفسها اللي عملها ف الحمد لله عجب الناس جدا، 

ورد فعل الناس برده كان متوقع كنت متوقع انه علق مع الناس بس مش بالشكل الكبير ده  .. خصوصا أهل بين السرايات انا بتعامل معاهم دلوقتى علشان، قصدي بعض تعاملي معاهم بروح اطبع رسايل و حاجات بالشكل ده رسائل علمية دكتوراه وأبحاث وكده فطول الوقت انا متسيط هناك ورد الفعل هايل جدا .. والحمدلله

واتمنى طبعا بعد رد الفعل ده علي الدور ده ان انا اعمل كوميدي مش اللي هو انا هطلع يعني كاركتر ويضحك وكده لا كوميديا الموقف .. عندنا امثال كتير نجحت في كوميديا الموقف ده انا شايف من الامثلة اللي اتحولت وبينت الشكل ده في ادائها الفنان محمود عبد العزيز وأحمد زكي فبعض افلامهم يعني فاتمني الممثل يعمل كل الأدوار وانا الحمدلله حبيته وكده اكتشفوني بقي في الكوميدى بس كوميدي الموقف لان مش هطلع اقول افهات مش الكوميديا الفارس يعني دا بالنسبة لبين السرايات.

أيهما أقرب لقلبك العمل في الدراما أو السينما أم المسرح ولماذا؟

بالنسبة ايهما اقرب ليه مسرح  – سينما – فيديو، هو بصي علشان ابقي صريح المسرح هو العشق الاول لاي فنان وخصوصا اللي بيبقي متاح للفنان، متاح بمعني إيه بمعني لو لسه صغير وبيمارس المسرح، ممكن يمارس في مسرح المدرسة مسرح النادي مسرح الموهوبين او مسرح وزاره الشباب والرياضه او قصور الثقافة والنشاطات المتعددة البيوتي والبيوت الثقافة اول مبيتعرف علي المسرح ابو الفنون زي مبيقولو وفعلا فن يشتمل علي فنون كتيره ويحتوي داخليا علي فنون كتيرة جدا.

المسرح بيعلمك ايقاع بيعلمك التجربة الحية نفسها وصناعتها طول الوقت من اولها لاخرها علي المسرح

 والبروفات وعشرة مع الدور، لا لا المسرح وغير التقدير غير رد الفعل الفوري للجمهور.

المسرح متجدد يجدد الشخصية ويجدد الفنان وبيعمله بالبلدي كدا غربله او ريفريش لمشاعره واحاسيسه طول الوقت  ..  لاء المسرح حالة  لا تقارن باي حاجه تانيه  خالص  .. فالمسرح اولا اولا اولا يعني تاتي بعد كدا السينما تاتي لها عشق خاص كدا وذاكرة وسحر وفعلا في سحر موجود في المسرح والسينما واضيف عليهم انا كممثل معرفش طبعا الاخرين إيه 

الميكروفون الاذاعه ليه سحر خاص ايضا،  اي حاجه بتلعب علي الخيال المتلقن وانه يتفاعل هي دي اللي انا بحبها،  وانا بحب المسرح جدا والسينما جدا، والله الفيديو وان كان شبه السينما وان كان نفس التكنيك

 بس يعني مسرح سينما وان كان الفيديو هو الباب الشرعي  .. بتاعنا لاي موهبه تخش منه والتليفزيون اكثر بيديك فرص من السينما. قصدي سهل تاخد فرصه التليفزيون وبتتشاف اكثر. وكل حاجه ليها حاجه وعلي راي انا مسرح سينما إذاعة.

مملكة إبليس مسلسل عامل ضجة اليومين دول وكوكبة من النجوم الكبيرة  .. حالة من الجدل والإعجاب حول العمل كلمنا عن كواليس العمل وعن دورك  وردود أفعال الناس حوله؟

هتكلم عن مملكة إبليس بما ان هي الحدث الفني اللي موجود دلوقتي وبيتذاع وهو الفيدباك  ، او رد الفعل الأوضح دلوقتي او الحاضر يعني مملكة أبليس والشيخ رمزي انا كان حلم عمري عموما اشتغل مع امين راضي، بجد مختلف، وعنده شخصيات ليها عمق وفيها شخصيات كدا تغري الممثل اللي هو فيها كتير لسه فيها كتير غير الموصوف قصدي يعني 

شخصيات غنية بتفاصيل يقدر يلعب الممثل من خلالها يتعمق في الشخصية مش شخصية سطحية شخصية عميقة شخصيها ابعاد وليها وليها وليها   ،

كيف تكون رسالة البحث عن الشخصية

مهما تدوري وطول ما انتي بتدوري فيها اكيد هتلاقي شخصية انسانية عميقة وبتبقي رموز اكثر الوقت مش شخصية اعتيادية بشكل احمد ولا محمد اللي هو احمد المهندس ولا محمد النجار لاء بيبقي اسقاطات لرمز فانا بحب النوعية دي من الدراما والكتابه

وطبعا كان نفسي اني اشتغل مع امين راضي مع اني مسعيتش لده، بس الحمد لله الحمد ربنا كريم وحققلي حلمي  .. حاجة ثانية احمد خالد موسي حبيبي يعني من ايام مكان مساعد اول مع هادي الباجوري من اول تجاربي خالص عرض خاص، انا وكريم فهمي، ودينا الشربيني، وياسمين رئيس،  ومصطفي ريدي  ، احمد محب ليه جدا وداعم ليه وهو مخرج شاطر براڤو علية وانا فرحان اني اشتعلت معاه كان نفسي اشتغل معاه من زمان او كان اللقاء دا هيحصل بس تمام الحمد لله اهو حصل  كل شئ باوان.

صفة التحدث عن شخصية انتاجية جميلة

طارق الجنيني من المنتجين الجمال هي التركيية كلها علي بعضها عجباني جدا فرحان بيها شركة انتاجية محترمة منتج شاب محب  للفن وداعم للشباب متجدد الافكار جرئ اجتمع مع مؤلف له نظره خاصه وله عمق في كتابته  وليه استايل خاص بيه او  فلسفه معيه عاوز يقدمها او لون خاص بيها غير السائد ودا شئ كويس مع مخرج له ادواته  وناجح وشاطر بجد ومخرج بعين فنان مع مجموعة وكوكبة كبيرة من النجوم يعني كنت طبعا اتمني اشتغل معاهم الناس اللي بحبهم جدا غادة عادل ورانيا يوسف الحب كله سلوي خطاب يعني داود والليثي وكريم قاسم واتا مش عاوز انسي حد يارب كل الناس صبري فواز الخال لا الحمد لله التركيبة حلوة كمجموعه وكممثلين وكإنتاج كتاليف كإخراج لاء عمل يعني صراحة خلاص بقي..

والشيخ رمزي نفسه  عمل معايا شغل كتير وتعبت معاه كتير  شخصيه متناقضه،  وفيها حاجات  كتير حلوة جدا مختلفة تغري اي ممثل،  يعني فيها اي مساحات للتمثيل بشكل كبير شخصيه انسانية هايلة جدا هايلة مش كوصف هايلة للممثل في تفاصيلها وعمقها غنية قصدي يعني فدي من احب التجارب الي قلبي واقدر احطها بعد بدون ذكر اسماء في حاجات في قلبي هي  .. بدون ذكر اسماء الشيخ رمزي وعرض خاص والله ودا كان اول عمل وكان مختلف جدا وكان احترافيه و كان حاجه كدا والحمد لله  ولمزيد من توفيق ربنا.

مين الفنان اللي استمتعت في العمل معه ؟ ومين اللي بتتمنى انك تشتغل معاه ولسه ماحلفكش الحظ ؟ ومين من المخرجين كمان؟

بالنسبة للفنان اللي أستمتعت معاه في العمل أستمتعت مع ناس. كتير جدا  ..  بس بجد رانيا يوسف بجد ممثلة هايلة جدا جميلة انسانة وزميلة وجوه اللوكشين وجوه المشهد بتخاف عليك وبتبقا عايزاك تظهر في أحسن حال تلميذة مجتهدة بالرغم من نجوميتها الكبيرة، ودؤبة  ، تحسي أنها اختك اللي تعرفيها بقالك 20 سنة ماشاء الله علبه  ،  سلوى خطاب ماشاء الله عليها الحب كله أستمتعت بالعمل معاها،  ونفسي أشتغل مع الأستاذ يحي الفخراني ونفسي أمثل مع يسرا ومع الأستاذ محمود حميدة والأستاذ خالد النبوي ناس كتيير أوي نفسي أمثل معاهم،  وبالنسبة للمخرجين نفسي أمثا مع الأستاذ شريف عرفة، وده حلم عمري  ،  ونفسب أشتغل مع أستاذ حسين المنباوي،  مش عايز أنسى حد بس نفسي أشتغل مع مخرج بيحب الممثل ونفسي اشتغل مع شركة إنتاجية داعمة للنجوم وللمواهب وعايزة تقدم فن بجد ونفسي أشتغل مجموعة فنانين مبدعين مخلصين بيحبوا مهنتهم.

علاء حسني أيه أكتر فنان عجبك في رمضان 2020 وإكتر فنانة واكتر عمل جذبك وتابعته؟

اللي شوفتة والله في رمضان مش هقول ان فيه طقوس خاصة. بس الصلاه والصيام  والعبادات الواحد بيحاول يستفيد علي قد ميقدر وينتهز الفرصه يعني لكن، ممكن اشوفها في اي وقت يعني مش دي القضية لان انا مش مش بحب اشوفها في رمضان بسبب الاعلانات بصراحة  حاجه سخيفه وبتفصلني ممكن اتفرج بعدين. لكن تابعت النهاية   وعجبني جدا التكنيك اللي متقدم الصورة اللي متقدمة بشكل كبير الفكرة عجبتني سهر الصايغ جدا  ، عجبني عمرو عبد الجليل جدا. وعجبني لياليا خالد الصاوي هايل جدا. وعجبني صابرين وعجبني وروچينا بجد هي اللي كانت مفاجأة،  أحمد زاهر أوك عارف انه ممثل تقيل وان كان  وعارف انه لسه عنده. وكان مفاجأه، لكن روچينا بجد  تالقت بشكل كبير جدا  ، البرنس والله  مكتوب حلو ومكتوب حلو جدا والله  ، ومن ضمن الناس اللي تحب تشتغل معاهم.  محمد سامي وهو شعلة نشاط وطاقه ايجابية في اللوكيشن.

علاء حسني تقول لمين شكرا على دعمك ليه؟

اقول لمين شكرا على دعمه ليه أول حد أقوله شكرا اولا وأخيرا ربنا طبعا  ، وثانيا  الجمهور الجميل حبايبي وأخواتي وأصحابي اللي بيدعمني بمحبته،

حاجة فوق الوصف وربنا يزيد ويبارك وأكون عند حسن ظنهم يعني  ، ووالدتي طبعا كانت سبورد لشخصيتي ولتكويني بصفة عامة، ولو هقول شكرا لحد تانى من جوه الوسط أقول لهادي الباجوري هو اللي أداني أول فرصة ودعمني

أنا و كريم فهمي ودينا الشربيني، وياسمين رئيس، وهاني أسامة المنتج ولشركة بيوديوسر وبشكر هم وبشكر المخرج وحيد حامد وتامر محسن  أنهم وثقوا فيه وأدوني الفرصة لتقديم دور سعيد القصاص،

وبشكر أستاذ حامد بشكل شخصي لانه هو اللي رشحني في الجماعة 2،  وبشكى دعم أساتذيتي في المعهد طول الوقت أثناء الدراسة ومابعد الدراسة نصائحعم ومباركتهم وحبهم ودعهم  ،  بشكركل واحد شاف  حاجة مبذول فيها مجهود وقالي برافو أحسنت او كلمة نقد بناء غيرت وكانت ليا بمثابة نقطة أشتغل عليها فرحاجة نقصاني

شايف المحتوى الفنى اللي بيتقدم جيد وهادف  ..  زي زمان ولا ناقصه حاجة علشان يرجع زي زمان؟

بالنسبة للمحتوى الفني أكيد محدش بيبقا عايز يقدم حاجة هايفة .. أكيد بيبقا عايز يقدم مشروع في و له رسالة وهادف وأداء متمكن وإيقاع  ، كل الناس أكيد بتسعى أنها تقدم ده ومحدش بيبقا عايز يقدم حاجة وحشة  ، ممكن يكون أه  محتوى زمان بالنسبة لي أفضل بكتير والزخم الفني اللي كان  في التمانينات والتسعينات أفضل بكتير و طبعا الطفرة اللي كانت في الخمسينات والستينات والسبعينات طفرة مختلفة  ..

  فـ أتمنى بجد المعروض الهادف يبقا أكتر ويبقا في أفكار بتعبر عن الواقع الأصلي للمواطن وعن الشارع زي زمان ونستفيد بالتكنولوجيا الموجودة دلوقتي ونستعين بالطفرة اللي حاصلة في أدوات التصوير ومعدات التصوير  ،  وخبايا المهنة نتمنى يمون الاتنين موجودين مع بعض شكلا  ومضموناً  .. يارب

أيه الشخصية اللي علاء حسني بيحلم يجسدها  تاريخيّة او دينية أو شخصية فنان راحل؟

الشخصية الدينية والتاريخية اللي نفسي اعملها نفسي  اعمل شخصية أبو عبدالله ابن أدريس الشافعي “الإمام الشافعي”   الشخصية دى شخصية غنية جدا، إمام وصاحب المهم الشافعي عند أهل   الكتاب والسنة، وغير أنه وضع علم التفسير والفقه وكل الإجتهادات اللي في الأمور الدينية والفقية الا أنه كان شاعر فنان يلقي الشعر ويكتبه وعمل بالقضاء، وكان نموذج للقاضي العادل المتسم بالذكاء،  قيل أن رسول الله عليه افضل الصلاةوالسلام ذكر أن

هناك امام نقراشي سوف يظهر ويملأ الارض علما قيل انه الإمام الشافعي  ..  مش متأكد من مصدقية المعلومة بس اتمنى تجسيد شخصيته، لان فيها رسالة عظيمة ونفسي بجد يكون نموذج مختلف ونرجع نقدم الشخصيات الدينية والتاريخية المليئة بالعلم والمعرفة وعظمة التاريخ يارب أتمنى.

ليه تعليق على إعادة او وجهة نظر في  اعداد السيرة الذاتية عن فنان راحل .. الفنان هو عضو فعال في المجتمع وخصوصا لو له دور مجتمعى أو سياسي او أقتصادي  ..  لو له دور مجتمعي ومحتك بالعمل العام هنا أقدر أقدم، ولو شايف انه  فنان مخلد بأعماله وعايز الناس تستفيد من تجاربه هنا ممكن اعمل فيلم وثائقي او سهرة إذاعية يعني لا يرتقي أن اعمل فني انه اعمله عن فلان الفلاني لأن هو موجود بشغله وعمله، لان برده مش هقدر اقول كل حاجة عن الفنان ولو اتعملت مظبوط اتمنى ميطلعش ملاك يطلع زى ماهو يتقدم من جميع النواحي لو لو الفنان اتقدم من الجانب الفني بس اعتقد لا  ..  لازم يكون له دور مجتمع علشان يتقدم صح.

علاء حسني أيه الجديد اللي هتشارك في خلال الفترة القادمة؟

هو حاليا الجديد إحنا بنعمل مسلسل خيط حرير، بطوله النجمة الجميلة مي عز الدين،  والاستاذ محمود عبد المغني، ومجموعة كبيرة من الممثلين هنادي مهنا، ويوسف عثمان اللي كان في فيلم بحب السينما الشاب الجميل دا. ناس كتير والاستاذ احمد صيام، ومدام صفاء الطوخي بحبها وبعشقها ومبسوط اني همثل معاها  ،

بردو الجميل بقي ابراهيم فخر وشوفي انا قولتلك في الاول اتمني اني اشتغل مع مخرج يكون بيحب الممثل وفنان، الحمد لله ربنا  بيوفقني اني اشتغل مع مخرجين بالشكل دا  ، سواء أحمد خالد موسي سواء الاستاذ سامح عبد العزيز سواء تامر محسن مع حفظ الالقاب للجميع يعني سواء مؤخرا ابراهيم فخر راجل جميل وفنان وبيحب الممثل لان انا بحس بطاقة رهيبة منه ودي كافية.

 يعني دا الحاجه الجديدة اللي احنا لسه بنصور فيها كان المفروض نخلصها تنزل فبل رمضان بس بسبب الظروف والجائحة اللي حصلت دي بشكل عام ربنا يحفظنا ويحفظ مصر واهلها هي اللي أخرت الدنيا هتعرض اعتقد علي شهر 10 بإذن الله ويارب وادعلنا  ،ويكون دور جديد ومختلف وبردو فيه لايت كوميدي فربنا ييسر بإذن الله وبحاول اكون عند حسن الظن دائما.

تتمنى أيه يتحقق قبل إنتهاء 2020  .. وتقول أيه لجمهورك بمناسبة حلول عيد الأضحى المبارك؟

بتمني في 2020 بدات معانا بداية مش لطيفة اتمني انها تصالحنا، والامور يحصل فيها استقرار وامان يعني، ومستني منها انها تصالحنا حبستنا 6 او 7 شهور والسنة هتخلص  اتمني منها انها تصالحنا في آخر شهرين ثلاثة، واتمني كل حاجة حلوة واتمني ان انا 2020 يكون ليه عمل في رمضان عمل دور جيد واتمني اني اعمل دور كويس واهديه للناس واعيد عليهم في رمضان بيه يارب.

اتمني في 2020 ان الامور في البلاد تستقر اكثر  سياسيا واقتصاديا واجتماعيا، وان كان في طرف هايلة جدا حصلت في الكباري والطرق، والبنية الاساسية او التحتية بشكل كبير جدا وملحوظ يعني

ونتمني بان الامور تبقي أفضل ويارب دائما.

وبمناسبه العيد، كل سنه وكل لحظة وكل الجمهور الجميل اخواتنا واهلنا واصحابنا بخير وسعادة وصحة وستر وعافية من ربنا ويحققو كل اللي هما عاوزينه. ويارب يعيد عليهم بالامن  والاستقرار والسعادة في الحياة وتبقي دنيتنا كلها افراح واعياد يارب ان شاء الله.، وعيد سعيد عليهم كلهم وعلي كل اللي بيقرأ وكل اللي بيسمعنا او كل اي حاجه وعلي كل الناس يارب.