علاء خالد لجريدة عالم النجوم : مشاركتي ريهام حجاج أجمل صدفة
كتبت/ مادونا عادل عدلي
تألق الفنان الشاب علاء خالد منذ ظهوره على الشاشة حيث كان قد شارك في العديد من الأعمال الدرامية المهمة منها مسلسل قيد عائلي وحدوتة منسية وغيره
وفي رمضان 2024 شارك علاء في مسلسل صدفة للنجمة ريهام حجاج وكان من الطلاب المقربين للفنانة وتواصلت جريدة عالم النجوم مع الفنان الشاب علاء خالد ليحدث عن دوره وكواليس صدفة
حدثني عن كواليس صدفة
اتعلمت كتير اوي من ريكو ورحاب الجمل والمخرج حسام الشربيني وسيف واستاذ سامح كنا بنفهم بعض من نظرة وريكو كانت ديماً وقفة جمبي ف كل مشهد جمعنا اقسم بالله جميلة اوي وحتي واحنا فى كواليس مسلسل صدفة كنا بنصور مشهد انا وريكا مع بعض طلعت موبيلي عشان اوريها مسدچ كنت بعتهولها من ٢٠١٧ على الفيسبوك يعني من ٧ سنين مثلاً اني بحبها جداً ونفسي اشتغل معاها وقد اي اني نفسي امثل واخد فرصتي.
وحصلت فى مسلسل صدفة فى ٢٠٢٤ واعتقد ان دي احلي صدفة فى الدنيا واول مسلسل اشارك فيه فى حياتي كان مسلسل ضد مجهول وكان من تأليف استاذ ايمن سلامة ودلوقتي انا من ابطال مسلسل صدفة وهو المؤلف بتاعة برضو
اكتر دور قريب من قلبك ؟
الحقيقة نفسي اعمل كل الادوار بصراحة وكل حاجة بالنسبالي بشوف ليها متعتها الخاصة بس لو حاجة معينة نفسي اني اعمل ادوار اكشن جداً وضرب وتكسير وعربيات بتتفجر وشغل كدة نفسي اجرب دة جداً عشان الحاجات دي اقرب لشخصيتي فى الحقيقة.
كلمني اكتر عن علاقتك بريهام حجاج؟
انا بقول انا كان عندي امي واختي دلوقتي بقا عندي امي واختي وريكو بجد انا مشوفتش حد بيتعامل كدة وهحكيلك على كام حاجة انا قبل كدة كان فية جملة ليا اتشالت عشان ملهاش علاقة او معني بالمشهد او استاذ سامح مكنش عايزها ف انا مزعلتش وبالنسبالي تمام مفيش مشكلة بعد ما صورنا لقتها راحت لسامح عبد العزيز عندك اتكلمت معاة ورجعت مكانها ولا كئن اي حاجة حصلت لقيت استاذ حسام الشربيني مساعد سامح عبد العزيز بيقولي قول الجملة دي بدلها يا علاء ف انتي متخلية بتعمل معانا اي وديماً بقولها يارب المسلسل ينجح وبكسر الدنيا تقولي اهم حاجة بالنسبالي انة يكون فتحت خير عليكم انتم وكنت بتكلم مع رحاب الجمل حبيبت قلبي نصف ساعة فى الموبيل على قد اي ريهام جميلة اوي وحكتلها على الموقف دة قالتلي ياحبيب قلبي دي مش بتعمل معاكم انتم كدة دي بتعمل معانا احنا كمان كدة فى عشان هي حلوة وقلبها جميل عايزة كل الناس تطلع احسن حاجة ودة بصراحة انا مشفتوش كتير فى لوكشنات ف ريكو اختي الكبيرة.
لو ماكنتش شاركت ف صدفة كنت هتشارك ف عمل تاني كنت هتحب تشارك في أي ؟
فى صدفة أيضا لأنها تجربة علمتني كتير وكان نفسي فيها من زمان وكل الكرو كانوا صحابي من زمان فأنا يعتبر أرى أنني فى بيتي ووسط اهلي
حدثني عن ردود الأفعال اي رايك وتحب تقول اي للناس وتعليقاتهم الإيجابية؟
مبسوط جداً بالفيد باك عن المسلسل ومبسوط بكل المسدج اللي بتجيلي ومبسوط ان فية اطفال كتير بتتفرج علينا واطفال الشارع بتاعي كلة لقيتهم متابعين المسلسل ودي حاجة فرحتني وردود الفعل على مشهد فلسطين وطلعوة ترند واننا عبرنا عن القضية الفلسطينية بفنينا دي حاجة وقعت قلبي من الفرحة وانا بصور المشهد لحد ما شوفت الفيدباك اللي جة ع المشهد وربنا ينصرهم يارب.
ناس كتير انتقدت طريقة ريهام حجاج ك صدفة تقول اي للناس التي علقت تعليقات سلبية ؟
اي نجاح فى الدنيا لازم يكون لية انتقادات وانا فرحان من قلبي لنجاح ريكو في مسلسل صدفة وحالياً احنا مبسوطين بناجحنا الحمد لله رب العاملين وانا كنت متابع لحد 25 رمضان الفيدباك الناس كانت مبسوطة من المسلسل ومن ريكو
هل من شخصية عرضت عليك ولم تشاركها وقولت كويس انك ماشاركتهاش ؟
لا انا بختار ادواري كويس وبكون عارف انا بعمل اي ف الحمد لله عمري ما ندمت على اي حاجة عملتها فى حياتي ولا على اختياراتي.
ناس كتير بتتكلم عن علاء خالد هل من رسالة توجهها لعلاء خالد من خلال شخصيتك ف صدفة ؟
حلو جدا السؤال ده… خليك ورا حلم واتبسط من نجاحك ديماً ومتخفش من المستقبل عشان دة بتاع ربنا واللي انت فية دلوقتي كان حلمك من ٤ او ٥ سنين واللي انتي هتكون فية بكرة هيكون حلمك دلوقتي وربنا معاك واتمني انك توصل لكل احلامك وتكون اصغر نجم شباك فى مصر وخلي بالك ديماً من نفسك واللعب رياضة واقرب من ربنا واشتغل على نفسك هتكون انجح الناس بإذن لله
كلمني عن طقوس يومك في رمضان؟
الصوم والصلاة واشاهد المسلسلات واللقاءات وأجلس مع اهلي واصحابي
شايف أن الأعمال الفنية بتأثر على الجمهور ؟
اكيد طبعاً عشان انا دايماً في الشارع وبشوف بعيني ان الفن بيأثر على ثقافة الناس بشكل عام ف بخلي دايماً بالي من اي حاجة انا بعملها عشان انا بشوف بعيني لما الناس بتتأثر ب فنان او عمل معين بيكونو عاملين ازاي
كلمني عن كواليس حدوتة منسية ؟
المخرج واخويا الكبير محمد محي اول ما اتقبلنا قالي انا عايز اطلع بشكل مختلف عن اي حاجة انت عملتها ونجحنا وانا فرحان ب دة جداً اني طلعت بشكل مشختلف والفنان احمد فهيم بشكرة جداً برضو على ترشيحة ليا عشان فية هنا صدفة حصلت النجم احمد فيهم رشحني للدور وانا بالصدفة ببارك للمخرج محمد محي قالي تعالى انا عايزك فى شغل تعالى فى اللوكيشن دة انا قاعد بصور واول لما روحت احمد فهيم مكنش يعرف ف بسلم علية ف تفاجأ بيا ف محمد محي قالة اي رائيك فى المفاجأة دي
رسالة منك لصناع حدوتة منسية عقب الإشادة بالعمل؟
انا بشكر ربنا واحمد فهيم ومحمد محي وريهام حجاج عشان العمل كان من انتاج الشركة بتاعتها عشان بجد انتم السبب بعد ربنا فى اللي انا فية دلوقتي وشكراً ليكم على كل حاجة عملتوها معايا والحمد لله اني كنت قد ثقتكم فية.
