علل يا مختار.. ملخص الحلقة 13 من مسلسل “اش اش”
كتبت / مادونا عادل عدلي
تم عرض الحلقة 13 من اش اش وتبدأ الحلقة بعد لما شاديه بعتت للمعلم رجب رساله وبتقول له بصرف النظر ان انت رحت اتجوزت بنت اخلاص كابوريا انت تعرف انها كانت ماشيه مع مختار واول لما اش اش طلعت من الحمام المعلم رجب بيقول لها انت كنت تعرفي مختار واش اش بتقول له مختار ابنك وانا هعرفه ازاي يعني وبعد كده بيقول لها انت ايه اللي اعرفك ان هو ابني وهي بتقول له ما انا شفته هو وخطيبته في البيت عندكم لما جيت اعلم فاتن الراس وبعد كده بيقول لها طيب طلعي تليفونك واكتبي الرقم ده وكتب رقم مختار واتصل بيه من تليفون اش اش ومختار اول لما لقى اش اش بترن عليه حس ان في حاجه غلط وعمل فيها ما يعرفش مين اللي بيرن وفضل يقول الو مين معايا والمعلم رجب لما شافه ان هو ما يعرفش مين اللي بيتصل قفل السكه
ومختار بيحس ان في حاجه غلط وبيمسح رقم اش اش من عنده خالص.
اش اش بتقول للمعلم رجب هيقول قنبله فرقعت في وش شاديه، يا رجب انا جيت لك بخاطري مش مغصوبه عليك واللي مراتك بتحاول تعمله ده شغل نسوان فارغ علشان تبوظ عليك صباحيتك
المعلم رجب بيقول لها حقك عليا ما تزعليش
واش اش بتقول له انا مش زعلانه بس انا مستغربه انها قدرت تجيبك كده من اول دق الطبل امال لما تدخل عنب الصاجات هتعمل ايه والمعلم رجب بيقول لها انا ما حدش يعرف يسخني بس انا راجل شكاك احب اتاكد من كل حاجه بنفسي
شادية بتقول لمختار قوم البس دلوقتي حالا احنا هنروح لرجب ونقول له عن كل حاجه كانت بينك وبين اش اش ومختار بيقول لها ده عند ام ترتر انا مش رايح ولا قايل اي حاجه لاي حد اللي انت بتقوليه ده اسمه عك تعالي نفترض ان انا رحت له وحكيت له وعمل اللي هيعمله قتلها بقى ولا طلقها مش هينساها لي انا ياما واللي بيني وبينه هينتهي
وشادية بتقول له طب ايه رايك بقى يا روح امك انا لسه باعته له دلوقتي رساله وقلت له ان اش اش دي كانت ماشيه معاك ومختار بيقول لها ليه كده ياما علشان كده كلمتني من تليفونها الحمد لله ان انا عملت عبيط ده هتلاقي رجب كان بيحاول يشوف انا عارفها ولا لا وكل ده بسببك بس انا مسحت تليفونها انا ما اعرفهاش
انا مش هقول ولا حرف ده رجب الجريتلي ودي مراته اقول لك على حاجه ياما اش اش جايه تنتقم مني انا هي قالت لي قبل كده ربنا يكرمني باللي احسن منك انا افتكرتها بتهوش بس هي كانت مظبطه دنيتها
وراحت شادية المحل لعبد العاطي اخوها وقالت له عايزاك تيجي معايا مشوار وهو بيقول لها عيني لاختي الكبيره وهي بتقول له عايزاك تيجي معايا نروح لرجب دلوقتي ونحكي له عن كل حاجه كانت بين اش اش ومختار
وعبد العاطي بيقول لها اه انا ظهري واجعني قوي اصل لسه راجع من عند دكتور وقال لي الحركه غلط عليك بره المحل طلع عندي غضروف بين الفقره الخامسه والسادسه
وشادية بتقول له لا يا روح اختك الشويتين دول تعملهم على حد تاني وبلاش تبقى واطي زي مختار
وعبد العاطي بيقول لها مش همشي معاكي في الغلط لو ابنك عمل كده فعلا يبقى عنده حق رجب لو عرف هيزعلنا كلنا وزعل رجب وحش قوي
وعبد العاطي بيقول لها والله العظيم لو اتشقلبت قدامي كده ما هبقى طرف في الحوار ده ابعديني يا شاديه ما تدخلينيش بينك وبين رجب
وشادية بتقول له البنت هتركب وهندلدل رجلها يا عبد العاطي وعبد العاطي بيقول لها بعد اللي حصل ده هي ركبته ودلدلت وخلاص
المعلم فرج راح لاخلاص كابوريا وبيقول لها هو سؤال واحد بس وعايز اجابته جوزتي بنتك لرجب ازاي يا اخلاص
واخلاص بتقول له فجاه يتعرفوا على بعض في الجامعه وحبوا بعض قوي وفتره الامتحانات قربتهم من بعض قوي فقلت سعاده الاولاد اهم من الماضي
والمعلم فرج بيقول لها انا غلطان ان انا جيت لك واخلاص بتقول له مش قد غلطي لما امنت لك زمان يا شوخشيخة اخوك
مختار راح المخزن اللي عند هياتم علشان يشوف البضاعه بتاعتهم وهياتم بتقول له المعلم رجب نقل البضاعه لمكان تاني بعد لما فضوا الشراكه بينه وبين المعلم فرج وعبد العاطي بيقول له مختار اتصل بالمعلم رجب وشوف منه ايه الحوار ده ومختار بيكلم رجب وبيقول له انا عند هياتم دلوقتي في المخزن وبتقول لي انك انت نقلت البضاعه لمخزن ثاني الكلام ده حقيقي اصل انا مش واثق فيها ورجب بيقول له ايوه الكلام ده حقيقي وانا نقلت البضاعه لمخزن ثاني وبعد كده مختار بيقول له فين مكان المخزن الثاني ده يا حاج والمعلم رجب بيقول له لا ما هو النظام اتغير المخزن الجديد ده ما حدش هيعرف مكانه غيري انا بس
المعلم رجب خد اش اش يفرجها على شقتها وهم لسه بيوضبوا فيها وبيقول لها شوفي لو عايزه اي تعديلات فيها وشاديه اول لما شافتهم طالعين على السلم طلعت وراهم وكانت هتدخل الشقه والمعلم رجب وقفها وقال لها عندك هو في مكانك البيت ده ليه ست هي اللي تاذن لك تدخلي او لا زي ما هي ما لهاش تدخل عندك غير لما انت تاذني بيها وشاديه بتقول له عايزاك يا حاج وهو بيقول لها انزلي بيتك وانا هاجي لك وبعد كده سابهم ونزل لشاديه وبيقول لعبد العاطي خليك مع مدام اش اش واي تعديلات او اي حاجه تؤمر بيها تتنفذ فورا وتنزلها العربيه لحد لما اخلص مع شاديه ونزل
المعلم رجب نزل من عند شاديه بعد لما قالت له انا ما عنديش غير اللي قلته ليك مختار كان يعرف اش اش علشان ما ترجعش تقول انك كنت عارفه وما قلتيش
قول معلم رجب نزل لقى اش اش مستنيه في العربيه نزلها وقال لها تعالي معايا واخدها ودخلوا المحل ومختار كان قاعد جوه وقفل عليهم المكتب وقاعدهم هم الاثنين قصاد بعض وهو قاعد على المكتب وشغل لهم الفويس اللي بعتته شاديه وهي بتقول انه مختار كان يعرف اش اش وكان ماشي معاها وبص لمختار وقال له علل؟
