علمتني الحياة … بقلم: د. عبير منطاش
علمتني الحياة
أن بداية الحكاية
أنك تكون فاهم اللعبة
أيوة لعبة هي دي الحياة
لعبة ليها قواعد مكسب وخسارة
مش فهلوة أو شطارة
علمتني الحياة أن العلم سلاحي
وأنا بدور على الحقيقة
حقيقة وأصول اللعبة
مع إنها لعبة لكن الأمر مفيهوش سهولة
مريت بتجارب ومواقف صعبة
وقعت. أيوة وقعت وقومت أكتر من مرة
كان لازم أكمل للنهاية
علشان أقول اتعلمت وفوزت بجدارة
أتعلمت الصبر والحكمة
وعرفت ان الصمت اوقات كتير بيكون راحة
وإنك تسامح ده منتهى القوة
وإن المحنة لازم بتيجي وراها المنحة
أتعلمت التحدي و قوة الإرادة
وإن الحلم ممكن يبقى حقيقة
ولإني بدور عن الريادة
قولت لا….قولت لا
مفيش مكان للمستحيل في قاموس القيادة
