عمرك جربت … للشاعر الغنائي حمادة العسكرى
عمرك جربت
أكتر إنسان محتاجه جنبك تدعي بموته
تصرخ أنا تعبت
مابقتش تطيق تشوفه حتى وتسمع صوته
طب تعمل إيه
عقلك مشلول مش لاقي حلول حواليك بتدور
بتدعي عليه
خلاك ماشي تكلم نفسك جواك مكسور
في الدنيا حاجات لو عندك جات
هتعيش أوقات مدبوح فيها
وتشوف بعينيك عمرك بيفوت
في حواجز صعب تعديها
وسط الحياه في ناس عايشين
تايهين في الدنيا وخطاويها
ليه أقرب ناس
عايشين يأذوك وكمان یبیعوك برخیص وبلاش
وأصعب إحساس
الناس ياخدوك بذنب حاجات مابتعملهاش
مين بيك بيحس
أوجاع ملكاك وخداك لهلاك وبتقتل فيك
لمرايتك بس
واقف تحكي وعينيك تبكي بحرقه عليك
في الدنيا حاجات لو عندك جات
هتعيش أوقات مدبوح فيها
وتشوف بعينيك عمرك بيفوت
في حواجز صعب تعديها
وسط الحياة في ناس عايشين
تايهين في الدنيا وخطاويها
عُمرك جربت؟
