فلسطين الأبية هي القضية.. بقلم : د. أحمد مقلد

فلسطين الأبية هي القضية
لمين يا خال هي القضية
للي باعوا الضمير
ولا شعبها الأسير

ولا اللي اشتروا بثمن السكات دولار

ومين يقول كلمته

لما طفل أعزل
يواجه عدوه في كامل سلاحه
يبقى جبان القاتل اكيد
وفي تحدي وصمود ما يخاف الوليد
لأنه أصيل الجدود
ومنبته من أصل ارضه.
ولو كان غدر الصهاينة مخفي
لكن فعلهم وغدرهم باين في فعلهم

طيب ومين غير مصر شالت قضيتهم.
وأول ما نزفت دمها فلسطين
كان الحماية والرعاية من دولة الرياسة
ولما على الصوت وقال العدو هنهجم.
جه الرد وبكل كياسة
اعمل وانتظر النتيجة
فخافوا والجبن طبعهم.
لكن القضية بسيطة
لو يبعد عنها تجار الدين
ويقولوا العرب كلمتهم.
لكن فين الاتحاد
واحنا لينا اخوات بيضربونا في ظهرنا.

والكل عارف مين معاه
ومين شايل خنجره المسموم في ضهره.
والمصلحة عامية عينه عن عدوه
وبقيت الخيانة في دمه
واسأل على السياسة
ومن كان الغدر طبعه من ابوه
هيبقيِ في حياته على ايه
ولو في يوم ظهر وفي ايده وردة
استني من ايده طلقة
أصل الدم تجارته
وفين أهله يا عرب قولوا
هم العجم في يوم يبقوا اهله
والأصل فينا هو القضية
وتبقى فلسطين الأبية هي هي
ونفديكي بروحنا يا أصل القضية
فلسطين الأبية هي القضية
وقول يا عم وقول يا خال
فلسطين الأبية هي القضية