فيفي عبده تتعرض لأزمة صحية وخضوعها لـ عملية جراحية
كشفت الفنانة فيفي عبده عن تعرضها لأزمة صحية جديدة، بعد أيام من خضوعها لجراحة في العمود الفقري.
ونشرت فيفي عبده عبر حسابها في موقع التواصل الاجتماعي إنستجرام مقطع فيديو ظهرت به على فراش المرض، ووجهت رسالة لجمهورها قالت فيها: “مساء الفل والياسمين والهنا من مصر أم الدنيا، عايزة أقول لكم كل خروجة بمشكلة بالنسبالي”.
وأضافت: “حصل عندي هبوط وبيحللوا لي وحبيت أسجل لكم اللحظة دي، وأنا كل يوم بتألم من المشاكل دي”.
وتابعت: “إدعولي ربنا يؤذي المؤذي وربنا ينتقم من أي حد بيفكر يضايقني أو يعمل حاجة تعرقل حياتي، حسبي الله ونعم الوكيل في اللي يضرني، عليك خلاص الحق يا رب”.
وكانت فيفي عبده كشفت في تصريحات لبرنامج ET بالعربي تفاصيل العملية الجراحية التي خضعت لها قائلة: “فجأة لقيت الغضروف قفل على العصب، وابتدت رجلي تتقل ومش قادرة أمشي، ربنا يتم شفائي لإن الصحة تاج، ومال الدنيا من غير صحة ولا حاجة”.
وأضافت: “وأنا داخلة أعمل العملية بيدورا على العروق في إيدي مش لاقيين، وابتدوا يعملوا لي فحص لقوا القلب فيه رفة، وطلبوا بسرعة دكتور قلب وأخذت مخدر وعملوا منظار على القلب علشان يشوفوا هل القلب تعبان فعلا، ولما اطمنوا كان جاهزين بغرفة عمليات العمود الفقري”.
أوضحت فيفي عبده أنها حرصت على السفر إلى لبنان، والمشاركة في لجنة تحكيم حفل ومسابقة ملكة جمال الجنوب رغم حالتها الصحية، مضيفة: “أول مرة أتفاجئ بإن رجلي تقيلة ومش قادرة أطلع السلم، وكانت مفاجأة قدام الناس ولازم أطلع على المسرح علشان أتكرم”.
واعتبرت فيفي عبده أن تعرضها لأزمات صحية متتابعة سببه الحسد بقولها: “لأول مرة أطلع لجمهوري وأقول ارحموني، الحسد زاد عن حده معايا وتعبت، ومش عايزة أضعف وأطلع أقول لهم أنا محسودة، أنا دايما واقفة زي الأسد”.
وتابعت: “أكيد مليون في المية معمول لي عمل علشان متحركش من السرير، ولو أعرف مين اللي عمله أبوس رجلك فك العمل، حرام عليك أفضل في السرير أقوم من حاجة ألاقي حاجة”.
يشار إلى أن فيفي عبده عرض لها في رمضان 2022 مسلسل “شغل في العالي”، من بطولة شيرين رضا وفيفي عبده ومروان يونس، بجانب عدد من ضيوف الشرف من بينهم بيومي فؤاد، ونضال الشافعي، ونجم كرة القدم ميدو، والعمل من إخراج مرقس عادل وتأليف حسين مصطفى محرم.
