فيلم “وش في وش” يحتل المركز الثانى و يقفز عن المليون فى إيرادات اليوم
كتبت/ رانيا درويش
إحتل اليوم فيلم ” وش في وش ” المركز الثاني في شباك التذاكر فى السينمات المصرية محققاً إيرادات قفزت عن المليون جنيه ،
وأكدت ” أمينة خليل ” أن قصة الفيلم مختلفة تماماً عن مسلسل “الهرشة السابعة ” وتدور قصة فيلم ” وش في وش ” في إطار إجتماعي كوميدي لايت ، داخل شقة زوجية ، تجتمع بالمصادفة فيها عائلتا الزوج والزوجة مختلفتا الثقافة، وتحدث بينهما العديد من المشكلات.
وعبرت الفنانة أمينة خليل عن سعادتها بفيلم وش في وش، وقالت عن العمل مع الفنان “محمد ممدوح ” زميلي وصديقي وحبيبي وبتبسط أوى وبرتاح في الشغل معاه وبنطلع من بعض أحلى حاجة وفي كيميا بينا هو ممثل مش أناني بأي شكل من الأشكال دايما بيخلى الممثل اللي قدامه يطلع أحسن حاجة، ودي أكتر حاجة بحبها فيه .
ولفتت إلى أن كواليس العمل في الفيلم كانت تحمل الكثير من الكوميديا قائلة: الكواليس كانت مضحكة جدا لأن كنا 12 ممثلا في مكان واحد، ومعانا بيومي فؤاد ومحمود الليثي، لازم ضحك طول الوقت، واتبسطنا جدا في الكواليس، غير الضحك الموضوع كان صعب جداً في الأول عشان كنا عدد كبير ففكرة إن إحنا نتجمع ونركز عشان ندخل نعمل مشهد ده خد وقت.
