في الحلقة 20… نهاية رد الحق في إش إش
كتبت / مادونا عادل عدلي
في بداية الحلقة يظهر المعلم رجب عينه بتطق شرار
بعد لما شاف الرساله اللي بعتتها اش اش بيحاول يتصل بيها وامها بتقول لها اوعي تردي وبعد كده امها بتقول لها انت لازم تهربي روحي استخبي عند ابوكي ولا اقول لك لا هيعرف يجيبك برضه اهربي استخبي في اي محافظه وما تخليش حد يشوفك
وصفاء اختها بتقول لها يعني كده مش هيعرف يوصل لها
واخلاص بتقول احنا نروح له ونقول له سيبنا في حالنا وما لكش دعوه بينا
وصفاء بتقول لها برده مش هيسكت لازم حل تاني ما تفكري معانا يا اش اش انت ساكته ليه
واش اش بتقول لها ساكته علشان ما فيش حل يا صفاء هي كده خربت
مختار بيقول لامه انت كان عندك حق ياما رجب لازم يتقلب الراجل خلاص اتجنن ما بقاش شايف غير اش اش وامه بتقول له حمد لله على السلامه انت كنت فين من بدري اعيش لي بقى لك فتره في دور الابن البار بجوز امه
ومختار بيقول لها ما شفتيش كان بيتكلم معايا ازاي الراجل خلاص ما بقاش شايف حاجه غيرها وقريب قوي انت هتطلقي واحنا كلنا كده هنترمي في الشارع
وشاديه بتقول له وفي الحاله دي بقى نعمل ايه يا مختار ما نعديش الكل ونصالح فرج ونحب بنته ولازم تاخد بنته وتروحه تصالحوه
المعلم رجب بعد لما اتصل كتير ب اش اش وهي ما ردتش رجع لها تاني بيت امها واول لما فتحوا الباب كلهم ماتوا من الرعب
وهو اول لما دخل بص ل اش اش وقال لها مبروك
وبعد كده بيقول لاخلاص كابوريا ما تزغرطي يا اخلاص
واخلاص بتقول له بلاش علشان الحسد يا رجب
والمعلم رجب بيقول لها لو في حاجه اسمها حسد ما كانش في اي صاحب نعمه عاش زغرطي يا كابوريا ما تقلقيش
سبحانك يا رب عمرك تخيلتي يا كابوريا ان حفيدك يبقى ابني
واخلاص بتقول له حكمه ربنا بقى
انا كنت لسه بقول لاش اش ان رجب لما يعرف ان هيجي له عيل وهو في السن ده هيزعل وهي قالت لي بس ياما اسكتي بلاش جهل ده هيفرح قوي
والمعلم رجب بيقول لها بنتك عندها حق ده الولد اللي بستناه من الدنيا وفرحتي هتبقى زياده بيه حبتين علشان ابن اش اش
يوصل بس بالسلامه ويتربى في عزك يا شروق ان شاء الله، يلا بينا بقى نروح يا ست البنات
وصفاء بتقول له ما تسيبها تبات معانا النهارده علشان نفرح بيها
والمعلم رجب بيقول لها لا فرحه زي دي لازم تبقى مع جوزها هو اولى مش كده ولا ايه يا اش اش
” هي حاجه من الاتنين يهتدفن حيه ي اما السحر الاسود مفعوله هيشتغله
المعلم رجب بعد لما رجع هو واش اش البيت
المعلم رجب بيقول لاش اش اول لما بعثت لي رساله وقلتي لي انك حامل عرفت انك مش ناصحه زي ما كنت فاكر
لان في اخبار ما ينفعش تتبعت في رسائل لازم تتقال وش في وش
والمعلم رجب بيسال ايه شوف بيقول لها هو انت ما سالتيش نفسك هو انا ليه ما خلفتش لحد دلوقتي وبربي عيال شاديه
واش اش بتقول له ما اعرفش ما جاش في بالي بس يمكن ربنا رايد ليك ان اول خلفتك تبقى مني
والمعلم رجب بيقول لها صح علشان كده لو جه واد هسميه حسين على اسم ابويا ولو جت بنت هسميها اخلاص على اسم امك
واش اش بتقول له انا صحيح بحب اسم امي لكن انا كنت عايزه لو جات بنت اسميها مريم
والمعلم رجب بيقول لها حلو مريم
مريم رجب الجريتلي
واش اش بتقول له بس انا في حاجه كنت عايز اقول لك عليها
واش اش بعد تفكير كتير بتقول له انا ما بحبش اسم حسين ده
والمعلم رجب بيقول لها الا اسم ابويا يا اش اش لو ولد هسميه حسين
” انت بتلعبوا باعصابي انا صح
اخلاص كابوريا بتتصل على اش اش علشان تطمن عليها وتشوفها لسه عايشه ولا تحضر المدفن
واول لما بترد عليها اش اش المعلم رجب بياخد التليفون من اش اش ويفتح السبيكر ويقول لها ايوه يا اخلاص انا عايز افتن ليكي على بنتك بقول لها لو اللي في بطنك ده جت بنت نسميها اخلاص بتقول لي لا هسميها مريم
واخلاص بتقول له هي بس تخلف بالسلامه ان شاء الله والعيل بينزل متسمي من بطن امه
وامها بتقول ل اش اش بقول لك ايه يا اش اش انت عامله ايه كويسه واش اش بتقول لها ايوه ياما كويسه بس عندي حموضه انت عارفه شهور الحمل الاولى بتبقى رخمه
وبعد لما قفلوا مع اخلاص المعلم رجب بيقول لها طب ايه رايك ياسين احلى ولا عبد المهيمن ده لو وافقت ان انا اغير اسم ابويا
فاتن طلعت فوق للمعلم رجب علشان كانت عايزه تكلمه في موضوع وهو قال لها بقول لك ايه انا مش فاضي دلوقتي وبعد كده اش اش قالت لها بصي يا فتونا يا حبيبتي احنا دلوقتي فرحانين يا تفرحي معانا يا تسيبينا نكمل فرحتنا وفاتن بتقول لها خير افرح معاكم واش اش بتقول لها اصل انا حامل
فاتن نزلت وقالت ليهم تحت على الخبر السعيد جدا وان اش اش حامل وهم اول لما سمعوا الخبر كلهم انصدموا ومش عارفين ازاي ده حصل
وبعدها نزل المعلم رجب وقال لهم فاتن فرحتكم ولا لسه بس بوش شادية ده اكيد فرحتكم
وشادية بتقول له وعملتها ازاي دي بقى الشيخه اش اش رقيقتك ولا عملت لك حجامه
والمعلم رجب بيقول لها على فكره انا بخلف ومن زمان قوي انا عملت عمليه يجي من 15 سنه كده والدكتور قال لي ان انا تمام بس انت محتاج الست اللي تحفز قلت له بس انا ما عنديش الست اللي اتحفز وفكرت اتجوز بس قلت حرام طب وشاديه
لحد بقى لما لقيت اش اش قلت هي دي اللي الدكتور قال لي عليها وهو ربنا هيرزقني منها بعيل
بوشكاش بيكلم اش اش في التليفون وبيقول لها انا عايز مليون جنيه علشان ما اروحش اقول للمعلم رجب انك حامل من مختار واعرفه على كل حاجه
واش اش بتروح له البيت وبتقول له انت عايز مني ايه يا بوشكاش
وبوشكاش بيقول لها مليون جنية واش اش بتقول له هو انت ايه الفلوس خلاص عمتك عن كل حاجه وهو بيقول لها ايوه عمياني وبوشكاش بتاع زمان رجع لكم ولو عايزين المظبوط انا بصحتي وميه ميه ولو ما جبتيش الفلوس يا اش اش انا هروح لرجب واقول له ان اللي في بطنك ابن مختار
عبد العاطي بيروح ل اش اش عندي بيت اهلها وبيقول لها عملتيها ازاي دي انا مستغرب رد فعل الحاج على موضوع الحمل ده انا اللي كاتب الكتاب ومعلي الجواب
اللي في بطنك مش ابن الحج الحج عقيم بس مختار بيخلف
واش اش بتقول له غريبه وانت عرفت ازاي اني مختار بيخلف
وبعد كده عبد العاطي بيقول لها مش انا قعدت افتش في كشف المكالمات بتاعك ولقيت لك ايه بقى رقم معتصم بيه رئيس المباحث واش اش بتقول له معتصم بيه مين
وعبد العاطي بيقول لها ماتخافيش انا معاكي مش ضدك هنبقى نقعد لوحدنا والبال رايق ونتكلم
المعلم رجب بيكلم نفسه وبيقول ساكت ليه ازاي ما قتلتهاش ولا خفت على شكلك علشان الكل بقى عارف ومش عايز شماته ولا علشان فرج يبطل يعايرك ولا علشان شاديه مش تقول لك انا ارتقرطست
ولا خايف تعرف مين ابوه ولا عايز تداري البطحه اللي طول عمرك بتحاول تداريها ومش عارف انك عقيم ولا ساكت علشان مش عارف تعمل ايه مع اش اش البنت اخذت قلبك كل اللي انت عايزه دلوقتي ان الكل يعرف ان رجب الجريتلي بقى بيخلف
المعلم رجب بيقول لاش اش انا مش عايز اعرف مين ابو الواد علشان لو عرفته هقتله ما هو ما ينفعش واحد في يوم من الايام يجي ويقول لي انا ابو ابنك
اسمعي يا شروق انا ما فوتتش علشان انا راجل قرني لا انا مش عارف انت عامله لي ايه
مخلياني دايما في صفك في اي حاجه بتعمليها انا هسترك علشان بحبك مش علشان اي حاجه ثاني
المعلم رجب بينزل وبيجمع اهل المنطقه وبيقول لهم يا اهل المنطقه جيراني وحبايبي وناسي انا عايز افرح كل المنطقه انا مراتي حامل وربنا يرزق كل مشتاق عايزكم تعدوا الايام والليالي لحد لما يوصل ابني رجب الجريتلي عبد العاطي 10 عجول تدبح وتتوزع
مختار طلع لاش اش علشان يسالها اللي في بطنك ده ابن مين واش اش بتقول له اللي في بطني ابن رجب الجريتلي
ومختار بيقول لها ما بلاش شغل عوالم واش اش بتقول له ومالهم العوالم يا ابن صبيه العلمه وهم العوالم كانوا يعرفوا يهزوا غير لما حوكه الطبال يطبل
انت عارف يا مختار ابوك طلق امك ليه اصل امي قالت لي انه كان بيزن على امك علشان يسرحها بس امك محترمه وما رضيتش تسرق اه انما تمشي في البطال لا
ومختار بيقول لي اش اش اللي حصل ده كله كان غصب عني
واش اش بتقول له ليه كفى الله الشر كنت شارب بانجو ولا ضارب ابتريل
ورغم ده كله انا غصب عني في حاجه مخبياها عليك عايز تعرف البطن ده ابنك ولا لا تعالى معايا مختار
وبتاخده وبتدخله اوضه النوم
وبتقول له المثل بيقول لك مايقع الا الشاطر
وراحت زقته جامد وطلعت بسرعه وقفلت الباب بالمفتاح
وقطعت هدومها وطلعت من البلكونه تصرخ وتقول الحقوني يا خلق مختار بيغتصبني ورجب كان في المحل تحته بيقول لها فيه يا اش اش وهي بتقول له الحقني يا رجب مختار بيغتصبني
