قرارات صحية.. كفاية تجاهل وتحذيرات

كتبت / دنيا أحمد

كل يوم بنسمع ونقرا عن العادات اللي بتدمر صحتنا، ورغم إننا عارفين الحقيقة كويس، بنستمر فيها كأننا ماشفناش ولا سمعنا حاجة. بس المعرفة لوحدها مش كفاية.. لازم نتحرك وناخد قرارات حقيقية تحافظ على صحتنا.

 • الدقيق الأبيض مش بس بيزود الوزن، ده كمان بيؤذي البنكرياس وبيرفع خطر الإصابة بالسكري.

 • الأكل المقلي مش مجرد سعرات، ده ممكن يسبب فشل كبدي على المدى البعيد.

 • زيوت البذور النباتية بتنشط الالتهابات المزمنة في الجسم.

• العصائر المصنعة بتكدّس الدهون على الكبد من غير ما نحس.

 • الجلوس لفترات طويلة بيأذي العمود الفقري، وخصوصاً الفقرات القطنية.

 • الكرش علامة واضحة إن الكبد مليان دهون.

 • الأكل الجاهز بيستنزف صحتنا، وقلة النوم بتأثر على تركيزنا ومخنا.

 • اللانشون واللحوم المصنعة بتضاعف خطر الإصابة بسرطان القولون.

 • المكرونة سريعة التحضير فيها مكونات بتأثر على الجهاز العصبي.

 • البلاستيك بيتدخل في توازن الهرمونات وبيخربها.

 • مسك الموبايل لفترات طويلة بيدمر الفقرات العنقية.

الخلاصة: كلنا عارفين التأثيرات السلبية دي، بس لسه مكملين في نفس العادات. لازم نعرف إن المعرفة مش نهاية الطريق، القرار هو البداية. صحتك أهم من أي حاجة، ووقتها هو دلوقتي. خليك واعي.. وابدأ التغيير من النهاردة!