قصيدة اليتيم .. كلمات الشاعرة تغريد أحمد مختار

قصيدة اليتيم لشاعرة صعيد مصر الأولي والعالم العربي

قصيدة اليتيم ..

اليتيم
قولي مين يا زمن
يعوضني عن أمي وأبويا
حتي لو كانت
أختي أو اخويا
من بعد حرماني
من اقرب الناس ليا
شوفت عذاب كتير
والدنيا جت عليا
قلت اروح لعمي لقيته
من ورثي بياكل
وبيشرب من دمي
قلت الخال والد
و أنا هاعيش معاه
لقيته عليا جاحد
ولا همه قولت آه
صرخت بأعلي صوتي
وقلت عقلي تاه
قالي عجوز بعصاه
لك رب اسمه الكريم
دا حتي سيدنا النبي
قال أنا وكافل اليتيم
ساعتها افتكرت نبينا
واللي حصل وياه
لما وضعته أمه
وابوه لم يراه
وعبد المطلب جده
هو اللي رباه
وساعتها عرفت إن
اليتم عمره ماكان عيب
بدليل ان سيدنا النبي
ربه خلقه يتيم وآواه
ووجده ضالا فهداه
ووجده عائلا فأغناه

قصيده اليتيم .. للشاعرة تغريد أحمد مختار