كابلز مصر “علي و رحاب” قصة حب هزت منصات التواصل الإجتماعي
حوار / آيه سالم
الحب ليس كلمات و إنما أفعال مليئة بإثبات الحب ، اليوم إذا نظرنا إلي الحب نجد أن الكثير منه أصبح “تيك أواي” علي السريع يومين أو شهر علي الأكثر و ينتهي لكن لكل قاعدة إختلافات و هناك حب يستحق التضحية و الإصرار علي إكمال الطريق حتي أخره .
أصبح الحب اليوم مختلف في زمن السوشيال ميديا و الإنترنت و أصبحت العلاقات عابرة أكثر من اللازم و لكن عندما نجد علاقة حب ناجحة عبر مواقع التواصل الإجتماعي فيجب دعمها كل الدعم حتي تصبح حكايه حب تدرس يوماً ما .
“كابلز مصر” قصة حب بدأت عبر “السوشيال ميديا” لتواجه الكثير من العقابات و الصعوبات و رغم كل ذلك إلا أنهم تحدوا الجميع لإنتصار حبهم و إثبات أن الحب ليس له علاقه بمكان حدوثه و إنما الحب لمن أراد أن يعلي قدره و يقدسه و يعبر به إلي بر النجاه و أن أساس الحب هو التضحية في كل محطات الحياة .
البلوجرز “علي و رحاب” و شهرتهم “كابلز مصر” الذين تحاوطهم الشهرة أثبتوا للجميع أن الحب عبر مواقع التواصل الإجتماعي ناجح و قوي و يستحق التجربة و يجب التعامل علي أساس متين حتي لا يهدم الحب و يصبح سراب .
من هم كابلز مصر ؟
فتاة تدعي “رحاب” تبلغ من العمر 20 عاماً و شاب يدعي “علي” و يبلغ من العمر 21 عاماً من مواليد محافظة القاهرة ، جمعت بينهم الصدفة ليقع كلاً منهم في حب الأخر عبر مواقع التواصل الإجتماعي و نجحوا سوياً أن يصبحوا من أشهر البلوجرز علي منصات الأنترنت و من أشهر الكابلز الذي يتمني الكثير من الفتايات و الشباب أن يصبحوا مثلهم .
ما هو رأيكم في الحب عن طريق “السوشيال ميديا” ؟
علي / الحب عن طريق السوشيال مش علي طول ناجح و مش علي طول فاشل بس خلينا متفقين إن الفتره دي أغلب الجواز أو الحب عن طريق السوشيال ميديا .
رحاب / الحب عن طريق السوشيال هو حلو بس مشكلته إنه مش مضمون أو في ناس ممكن يحبوا بعض عن طريق الشات بس من غير ما يشوفوا بعض و لما يشوفوا بعض يلاقوا إن مش ده الشخص اللي أنا كنت عايزه بس بردو بينجح كتير و أنا واحده أهو متجوزة من السوشيال ميديا .
ما هي أكثر الصعوبات التي واجهتكم في الحب ؟
أول حاجه كانت السن إننا كنا صغيرين و إننا نقنع أهلنا إن أحنا قد المسؤلية دي و طبعاً إننا نجهز نفسنا بس أحنا كنا بنحب بعض أوى فاتغلبنا علي كل المشاكل اللى وجهتنا .
لما بتحصل مشكلة كبيرة بينكم ممكن توصل للإنفصال هل الحب اللي بينكم هو اللي بيحلها و لا العشرة ؟
مفيش حد حياته بتخلى من المشاكل أو الخناق بس أحنا بنعدى ده بالأتنين بالعشره و الحب لما شخص فينا بيبقي متعصب التانى بيحاول يهدى علشان المواضيع تمشي أحنا عشرة 5 سنين برضو ففهمين بعض كويس .
أكتر حاجه بتعصبك من “علي” و أنت يا “علي” أكتر حاجة بتعصبك من “رحاب” ؟
رحاب بتحب تعاند معايا في كل حاجة .
علي بيبقي شايف نفسه هو اللي صح و أنا اللى غلط .
لما الظروف المادية بتكون غير مستقرة بتعملي إيه يا “رحاب” ؟
لما بتكون مع الشخص اللي بتحبه مش بيفرق معاك فلوس ولا أي حاجه .
الشهرة بتأثر علي حياتكوا إزاي ؟
الشهرة ليها تأثير إجابي و سلبي ، الإجابي هو حب الناس لينا و نظرات الأعجاب لما يشوفنا في الشارع و يتصوروا معانا و التأثير السلبي
الشهره بتدي مساحه للناس يتدخلوا في حياتنا زيادة عن اللزوم لأن كل إنسان بيحتاج مساحه من الخصوصية في حياته صعب تاخدها و أنت مشهور .
لما حد فيكوا بيحس إن التاني زعلان أو مضايق بيعمل إيه عشان يفرحه ؟
رحاب / لما بحس إنه مضايق أو زعلان بحاول أهزر معاه أو أضحكه لو لقيته مضايق أوى بحاول أسيبه يهدي شويه و بعد كده أروح و أحل معاه المشكله اللي مضيقاه أو الموقف اللي مضيقه .
علي / باخدها أخرجها تغير جو و أجبلها الحاجات اللي بتحبها كلها .
رساله حابين توجهوها للناس المخطوبين أو المرتبطين أو المتجوزين و بينهم مشاكل و بالذات الحب عن طريق السوشيال ميديا و يكون كلام نابع عن تجربتكوا سوا ؟
حاولوا تعدوا كل المشاكل مع بعض مفيش حاجه مستهله الجواز عن حب أكتر جواز بيحصل في مشاكل و تتحل بسرعه بسبب حبكوا لبعض متخلوش أسباب بسيطة تخسركوا بعض لأن كل شخص فيكوا بيبقي مستني من التاني أحسن حاجة أو أحسن معاملة و لما بيلاقي غير كده بيحصل مشاكل لأنه بيبقي عشمان فيها أو في حاولوا تخلوا كل المشاكل متخرجش ما بنكوا أنتوا الأتنين و أوعوا تناموا زعلانين من بعض و حاربوا علشان بعض أعملوا المستحيل علشان تبقوا مع بعض علي طول و العلاقة دي تستمر .
