كريم عميرة لـ عالم النجوم: بتمنى أعمل فيلم سينمائي مصري بطولتي واحصل على جوائز كثيرة
حوار/ نهى مرسي
فنان بدأ حلمه من الطفولة وتألق في العديد من الأدوار بدأ في التمثيل المسرحي إلي أن وصل للبرامج التليفزيونية الشهيرة، اعتدنا منه على الأدوار الكوميديا والدراما المؤثرة، ترعرع على حب التمثيل، وشارك في العديد من الأعمال المسرحية المتنوعة حتى أصبح له رصيد ملئ بالأعمال الدرامية والكوميدية والرعب ، الفنان “كريم عميرة” فنان موهوب، وصاحب كاريزما عالية، وعلى المستوى الشخصي إنسان متواضع ومحب للحياة الاجتماعية نجم شاب صاحب موهبة فنية قوية، وكان لنا حوار خاص مع الموهوب المتميز الفنان كريم عميرة.. وإليكم نص الحوار .
فى بداية حوارنا عرفنا بـ كريم عميرة ؟
أنا كريم عميرة من مواليد بلقاس محافظه الدقهليه عندي 18 سنه بحب التمثيل جدا ودا حلمي ونفسي اكون نمبر وان جيلي فى التمثيل وديماً عندي احساس اني مش حابب أكون مجرد ممثل عادي فـ طول الوقت عندي طموح ونفسي احقق نجاح كل ثانية سواء على مستوى شغلي أو على مستوى دراستي أو في الحياة نفسي افتح اكتر من مشروع فـ طول الوقت عندي طموح إني نفسي انجح نجاح مش عادي في وقت قصير وسن صغير ودايماً بصلي واقول يارب وأنا واثق فى ربنا وموهبتي واني هحقق كل دة قريب جداً ونفسي برضو اكون مصدر طاقة إيجابية لكل الناس والشباب ف انا عندي احلام كتير جداً والأهم من كل دة اني احققها وان شاء الله هوصل لكل احلامي ف سن صغير.
كلّ منا في مرحلة الطفولة له حلم خاص.. ماذا كان حلم كريم عميرة؟
حلم الطفولة بالنسبة لي كنت بدور في كل حاجه لحد مالقيت نفسي في التمثيل.
من اكتر حد يشجعك على التمثيل وهل عائلتك بها فنانين غيرك ؟
عائلتي بيها المخرج شكري عميره و المخرج وجدي عميره، و انا بصراحه اللي بشجع نفسي وبقول لنفسي قوم وقاوم هتعدي وهتوصل لحلمك متخليش حاجه توقفك عن مشوارك كمل الطريق بكرا تبقى فنان كبير ومحدش قدك كل دا انا اللي بقول لنفسي محدش بيقول ولي ولا حد يشجعني.
البداية كانت في مسرح تجاري حدثنا عن تجربتك المسرحية على خشبة المسرح ؟
أول ما دخلت المسرح، اشتركت في مسرحية مشرحة زينهم ، لأن كان عندي حلم وكانت بدايه كويسه وحسيت أن هي دي البداية اللي ممكن ابتدي بيها.
عرفنا عن فن التمثيل المسرحي الذي بدأت به مشوارك الفني؟
استفدت من هذا الفن جدا واتعلمت حاجات كتير اوي تنفعني فيما هو قادم والمسرح وسيلة للي عاوز يوصل لسينما دا غير أن بتتعلم كتير اوي اوي من المسرح المسرح أبو الفنون، في بدايتي كان في عرض اسمو” مشرحة زينهم ” أول ماعرفت إنهم محتاجين شباب روحت وشاركت في العرض وعملنا نجاح كبير وكان عرض كويس جدا ومن هنا بدأ مشواري الفني.
ما هي الأعمال المسرحية الأكثر أهمية بالنسبة لـ كريم عميرة ؟
مسرحية شمس المعارف و مسرحية مشرحة زينهم عرضين رغب ومن أكثر الأعمال الأقرب لي.
مين من نجوم الفن تعتبره قدوة لك ؟
مع إحترامي لكل نجوم مصر والعالم كله بس “أنا قدوتي أنا” بعد ١٠ سنين أو قدام شوية ودايماً نفسي أعمل مدرسة تمثيل لوحدي مش اقلد حد ويكون لي أسلوبي الخاص ف التمثيل مش زي حد.. وغير كل ده نفسي أوصل للعالمية و إنشاء الله احققه فى المستقبل ، فـ قدوتي في التمثيل والفن هو كريم عميرة في المستقبل.
اين يجد كريم عميرة نفسه.. في الأعمال المسرحية هل الدرامية، أو الكوميدية، أو الرعب؟
أنا بعشق الرعب جدًا وبلاقي نفسي فيه جدًا ومن العروض الناجحة والجديدة و في نفس الوقت بحب جدًا الدراما .
أي عمل مسرحي أقرب إلى قلبك مما قدمت؟
دور الدكتور رأفت في مسرحية “شمس المعارف” ودور منصور في مسرحية “مشرحة زينهم” لأنهم عكس شخصيتي تماما .
أي شخصية تاريخية أو فنية يتمنى كريم أن يجسدها؟
شخصية “صلاح الدين الأيوبي” لأنها مليئه بالتفاصيل، وأتمنى تجسيد أي شخصية تاريخية لأن الأدوار التاريخية ممتعة.
هل تم استضافتك برامج برامج تليفزيونية قبل سابق؟
برنامج خطوات شابه
برنامج شباب على الهوا عدة مرات
وبرنامج ابتدا الحلم عدة مرات
وبرنامج اسكندرية من تاني
ما هي طموح كريم عميرة؟
عايز أعمل فيلم سينمائي مصري بطولتي وياخد جوايز كتيرة جدا ويتعلق بوستر الفيلم بجميع السينمات المصرية
فى نهاية الحوار وجه نصيحة لكل شاب وشابه فى سنك وطموح ونفسه يوصل لحلمه؟
كل شاب فينا عنده حلم و عنده هدف عاوز يوصل بس مش عارف يبدأ عنده مستحيل بيقول لا مش هقدر ومش هعرف انا كريم عميرة مكنش متخيل اشوف المسرح بس بعيني بس سعيت واشتغلت لحد وصولي للتلفزيون وبرامج ف التلفزيون وجرائد وصحافة وإعلام تتكلم عني اعرفه ان مفيش مستحيل بقول لكل شاب احلم اسعي وصلي وادعي وارضي ربنا وقول يارب ربك قال ادعوني استجب لكم وقال اسعى ياعبدي وانا اسعى معاك النجاح ساهل جدا بس عاوز شخص عاوز يوصل لحلمه فعلا شخص عاوز ينجح بقول لكل شاب قوم واشتغل على نفسك وابدأ واوعدك هتوصل عشان ليك رب كريم مبيضيعش تعب حد ولكل مجتهد نصيب انا بدأت من تحت تحت تحت الصفر ووصلت لحته كبيره اوي مكنتش اتخيلها عشان سعيت وقولت يارب وبالتوفيق لكل الشباب يارب
