كلمة الباحث التاريخي “محمد فخري” في ندوة “إسكندرية هترجع تاني”
كتبت: مايسة عبد الحميد
تحت رعاية مجموعة أور وبرنامج حوار اسكندراني قناة الحدث تدير الإعلامية القديرة نشوي فوزي الاحتفال بذكرى عمار الشريعي في المركز الاعلامي باستاد اسكندرية ندوة بعنوان ليلة في حب الموسيقار عمار الشريعي في إطار اسكندرية حترجع تاني في حضور عدد من الشخصيات المرموقة في المجتمع السكندري وحضور النجمة حنان خصيصا بالتعاون مع دكتورة نشوي فوزي والباحث محمد فخري حيث قدم جزء عن تاريخ الأغنية وصولا الموسيقار عمار الشريعي والمعروف أن المطربة حنان من اكتشاف الموسيقار عمار الشريعي وتتحدث المطربة حنان عن ذكرياتها مع عمار الشريعي .
كلمة الباحث التاريخي محمد فخري:
اشكر ا. حنان على تلبية الدعوة بوجودها معانا في المجتمع السكندري لان المجتمع السكندري بطبعه متذوق للفن
نظرا انها هي اللي كانت بتعلم الناس الفن
الفن المصري بدأ من عصر الأسرة الخامسة ٣٤٠٠ ق. م بدأت الأغنية المصرية وبدأ المصريين القدماء في إبتكار الأغاني الفرعون كان يغني للكهنة وكانوا يقدسوا الأغاني لأنها كانت محور أهتمامهم في الاحتفالات الدينية وفي مناسباتهم.
تاريخ الأغنية في مصر بدأ من عصر الأسرة الخامسة ونتترك للفن المصري ازاي بدأ وفي واحد أنا أكتشفته وبحثت عنه اللي هو مؤسس المدرسة المصرية في الغناء الشيخ عبد الرحيم المسلوب
هو اللي اسس مدرسه الغنا وكان بائع سمك اعتقد ان الصعيد فيها نوابغ الصعيد اللي طلعت عمار الشريعي من سمالوط ١٩٤٨ وطلعت محمد عبد الرحيم المسلوب عاش قرن كامل ١٧٩٣ : ١٩٢٩ وعاصر عهده محمد على وعاصر تغير الأغنية من الطابع الأندلسي والتركي للطابع تتلمذ على ايده عبده الحامولي وابو العلا والشيخ سيد درويش كما أستعان به الخديوي إسماعيل لإحياء حفلاته لمدة ٤٠ يوم .
سمي بالمسلوب لان كل الحان وكل مؤلفاته نسبت لغيره
نيجي بقى لأستاذنا الكبير عمار الشريعي اللي فكرنا انهاردة نحتفل بذكراه العبقري المبدع وكانت الأستاذة مرفت القفاص الإعلامية الكبيرة قالت ما كنش بيحسسها أنه ضرير وأنه طبيعي معندهوش إعاقة.
كانت إعاقته من زواج القرايب في عائلته اللي كانت من كبار المذيعين في سمالوط ولهم مسجد الذي دفن فيه اسمه البنانه.
عبقري له ١٥٠ لحن وتترات التليفزيون المصري كانت قايمة على ألحانه وهو اللي اكتشف علي الحجار.
علي الحجار عمل ٣٠٠٠ أغنية .
عمار الشرعي كان هناك منتج في التلفزيون اهانه وقال له انت أكتر واحد بتعمل ألحان بتاخذ مبلغ كبير إنت ليه كدة وزعل وحكى وقتها لسامية صادق وكان بياخذ وقتها 8000 قالت له هتاخذ 12000 وعمل روائع ، عمار الشريعي كان بيفك الآلات بيده ويصلحها.
عمار الشريعي من أعمدة الفن المصري مثل سيد درويش ومحمد عبد الوهاب إحنا النهاردة بنترحم عليه وبنقول انه شخصية عظيمة عمل في سلطنة عمان ٢٠٠٥ لما أتكلم عنه اتكلم كتير اوي اوي .
