كلمة رئيس مهرجان التذوق بالإسكندرية ” الدورة الثانية”

كلمة رئيس مهرجان التذوق الثاني بالإسكندرية د. دعاء نصر رئيس مجلس إدارة مؤسسة عالم النجوم
تحت شعار “1000 هنا”
(برعاية جريدة “عالم النجوم”)

بداية من مقدم الحفل الصحفي أحمد الجمال :

بعد مرور عام تقريباً، عاد إليكم المهرجان الذي ينتظره الجميع كملتقى لكل عشاق الطهي في مصر، ليواصل رحلة بدأت كفكرة وتنامت سنة بعد سنة إلى أن جرى تدشينها العام الماضي، وها هي النسخة الثانية تنطلق من جديد في رحاب مدينة الإسكندرية وعلى ضفاف شاطئ البحر المتوسط.

ترحب إدارة مهرجان التذوق بالإسكندرية بالسادة الحضور، وتتمنى لكم قضاء وقت ممتع مع فعاليات النسخة الثانية لعام 2021، ونبدأ وقائع المهرجان بكلمة مديرة المهرجان، رئيسة مجلس إدارة جريدة “عالم النجوم”، الأستاذة دعاء نصر.

كلمة مديرة المهرجان .. الأستاذة دعاء نصر:

أهلاً بيكو جميعاً… سعيدة بوجودكم، وبكل اللي شرفونا النهاردا…

الحقيقة أنا مش بعتبر إن دا مجرد مهرجان… لكن هو فرصة عشان كلنا نتقابل مرة كل سنة باعتبارنا أسرة واحدة كبيرة، بيجمعنا كل الحب..

أنا يمكن قلت الكلام دا في الدورة الأولى السنة اللي فاتت.. لكن ضروري جداً أأكد عليه تاني النهاردا…

كلنا عارفين إن الطعام جزء من ثقافة وتراث أي شعب… ولمّا نهتم بيه دا معناه إننا بنهتم بثقافتنا وهويتنا… وهو دا الهدف الأكبر من المهرجان..

عاوزة أقول كمان إننا كإدارة مهرجان فكرنا كتير في الشعار اللي هنختاره للدورة الجديدة… وقررنا إن المهرجان يحمل رسالة إنسانية ومعنى اجتماعي تكافلي… عشان كدا قررنا في نهاية المهرجان إننا زي ما هنستمتع بتذوق أطباق المشاركين في المسابقة الرئيسية… كمان هنقدم وجبات صحية لبعض الأسر البسيطة، كنوع من المساعدة الإنسانية وبدعم كامل من إدارة المهرجان يشمل حوالي 1000 أسرة… ومن هنا كان شعار المهرجان “ألف هنا”… ومش بس النهاردا… لكن دا هيكون على مدار السنة لحين الوصول للدورة التالتة السنة الجاية إن شاء الله…

بأكرر الترحيب بيكم.. وأدعوكم للاستمتاع بفعاليات الدورة الثانية لمهرجان التذوق بالإسكندرية..