- لبني الشيخ وأمنياتها في 2020
- لبني الشيخ ونقطة أنطلاقها
- رد فعل الشارع على دور في شبر ميه
- سبب غياب الفنانة لبني الشيخ
- ماذا قالت الفنانة لجمهورها بمناسبة العام الجديد 2020
لبني الشيخ نجله المطرب والموسيقار الراحل” رأفت الشيخ” ابن الدقهلية ومدينة السنبلاوين .
لبني الشيخ بدأت نشاطها الفني في الثمانينيات وشاركت في العديد من المسلسلات التليفزيونية خصوصاً المسلسلات الدينية مثل (محمد رسول الله إلى العالم عام 1979.
حوار دعاء سنبل/ إعداد دعاء نصر
لبني الشيخ ونقطة انطلاق :-
وبعدها مسلسل (الأنصار ) واحتجبت لفترة طويلة عقب أدائها مسلسل (الشراقي) .
لتعود للظهور في عام 2010 في مسلسل (أكتوبر الآخر)،
الذي حصل على شهر كبيرة وكان هو نقطة انطلاق لبني الشيخ وكذلك بداية ارتقائها سلم النجومية في عالم الفن.
مسلسل “أكتوبر الآخر” تأليف فتحي دياب وبطولة فاروق الفيشاوي وبوسي ويوسف شعبان ونادية عزت
ونهال عنبر وجيهان قمري ومصطفي حسن عبدالسلام..
ومن أبرز أعمالها أيضاً أفلام (اليتيم والذئاب، إنتهى التحقيق)
وبيت الفن مع الفنان “عادل عبده” في ابرويت بيت الفن مع نخبه كبيره من الفنانين منهم ، مروي ناجي ، مجدي فكري ،
فتحي سعد . المطرب محمد قماح واخير الملحمة الشعبية أيوب وناعسة بطولة المطرب “شريف عبدالوهاب” ، “هدي عمار”، “
حمدي هيكل”، “سيد جبر ” وألحان “أحمد الحجار “، تأليف ” ايمن النمر “ومن إخراج” أشرف عزب”
بعد فترة احتجاب طويلة لمراعاة الأسرة، بعيدا عن الكاميرات ، عادت الفنانة لبني الشيخ من جديد..
حيث كانت البداية مع المخرج اسماعيل عبدالحافظ الذي استطاع اقناعها بالعودة من خلال مسلسله التليفزيوني »أكتوبر الآخر«
وأسند لها دور زوجة يتعرض ابنها للاختطاف بعد أن وقعت ضحية لزوج نصاب يساومها من أجل المال..
لبني الشيخ كانت إحدى بطلات مسلسل الشراقي المخرج اسماعيل عبدالحافظ في نهاية تسعينات القرن الماضي.
ممكن نعرف من حضرتك أيه الحاجة الحلوة اللي حصلتلك في 2019، وايه الحاجة الوحشة اللي حصلتلك متتمنيش تحصل لك تاني في 2020 ؟
انا طبعا الحاجة اللي كانت سعيدة بالنسبة لي و حصلت لي في ٢٠١٩ مسلسل طبعا ان اختارني المخرج طارق رفعت لمسلسل شبر مياه.
فرق معايا جدا الحمدلله وكان دور مميز كنت سعيدة جدا به.
ممكن تعرفي المشاهدين أيه سبب غيابك سنين عن الساحة الفنية ؟
غيابي عن الساحة الفنية ده انا ماكنش فيه اي حاجة كنت قاعدة في بيتي عادي لما بنتي كبرت بدأت ارجع تاني واشتغل بقالي ٣ سنين تقريبا دلوقتي بحاول الحمدلله
إيه اللي بتتمناه الفنانة “لبني الشيخ” 2020 على مستوى العمل والمستوى والاجتماعي ؟ وايه الجديد بالنسبة لك؟
بقالي ٣ سنين تقريبا راجعة والحمدلله عملت خطواط كويسة الحمدلله انا دلوقتي مديرة قاعة صلاح جاهين في البالون و ان شاء الله على 2020.
عاملة عرض قصة حياة سيد درويش عاملة فيه حياة صبري ، حياة صبري دي تلميذة سيد درويش وبغني فيه ٤ اغاني
اهو ده اللي صار و زوروني كل سنة مرة و وانا هويت و يا ورد علي فل وياسمين يارب أبقي عاملة الدور كويس الحمد لله
ايه رد فعل الشارع على دورك في شبر ميه ؟
طبعا احب اقول لجمهوري ان انا سعيدة جدا برد فعل الناس في الشارع الناس بتقابلني بتبقي مش قادرة اقولك سعيدة
ازاي بدوري في شبر مياه وآخر كومنت اتقالي امبارح انا حضرتك كنا بستني المشاهد بتاعتك يعني جينا في اخر
المسلسل ماكنش ليكي مشاهد و كده و كنّا قاعدين والله بنتستني مشاهدك بس
وطبعا كان ردي ان احنا قصص كتيرة جدا في المسلسل عائلة كبيرة كل فرد بياخد الحلقات الخاصة به مشاكله وكده
تحبي تقولي ايه لجمهورك والناس اللي بتحبك بمناسبة السنة الجديدة ؟
بشكر جمهوري جدا و سعيدة جدا برد فعلهم وبقولهم ان انا بحبكم جدا و يارب يارب أبقي اد الحب ده وان انا اعمل حاجة كويسة جدا في 2020
و دعواتكم ليا ان انا استمر وابقي بنفس نجاح المسلسل و ان المسلسل كان ناجح فا ده الحمد لله ، المسلسل الناجح رزق حقيقي متشكرة جدا
