لبنى تكشف حقيقة مختار واش اش .. تفاصيل حلقة 19

كتبت / مادونا عادل عدلي

تبدأ الحلقة 19 من مسلسل اش اش بطريقة مثيرة بعد لما لبنى نزلت على السلم لقت مختار واش اش بيتكلموا ولمت عليهم كل اللي في العماره ونادت عمها رجب اللي كان طالع على السلم وقالت له تعال احضر معانا المشهد الرومانسي اللي بين مراتك وابنك مختار

واش اش بتنفعل عليها وبتقول لها ما تحترمي نفسك يا بنت الحاج لو ما كانش واقف كنت رميتك من بير السلم

والمعلم رجب بيقول للبنى ايه اللي حصل ولبنى بتقول له لقيتهم واقفين بيحبوا في بعض واش اش بتقول لها كذابه

ومختار بيقول لي المعلم رجب لبنى كذابة انا كنت نازل انا ولبنى من على السلم مع بعض وقابلتنا اش اش اول لما لمحتك طالع من على السلم فجاه عملت الحوار الغريب ده ولبنى بتقول له ليه مجنونه يعني انا ما كنتش معاك اصلا

ومختار بيقول لها يا بنت الكذابة

انت ازاي بتعرفي تكدبي كده لا ووشك في وش كمان ايه يا بنت الغل والسواد اللي جواكي ده كله خلي بالك غيره النسوان اللي انت بتعمليها دي هتعمل مصيبه ما بيني وما بين ابويا

وشادية بتقول للمعلم رجب شفت يا حاج انا قلت لك قبل كده وما صدقتنيش ده في ما بينهم وبينهم

ومختار بيقول لامه ده كل واحد بقى جاي يصطاد اللي يشبعوا ويمشي

طب قسما بالله ياما انك كدابة

وانك يا لبنى كذابه

وشغل الحريم ده يا حاج هيخرب ما بينا انا نازل

ولبنى بتمسك فيه وبتقول له مش هتروح في حته يا مختار وهو بيلف وبيديها بالقلم وبينزل

لبنى عماله تزعق بعد لما شافت مختار

واش اش واقفين مع بعض وبعد لما مختار ضربها

وشادية بتقول لها خلاص لما مختار يرجع قولي له انك عايزه تطلقي ولبنى بتقول لها بس انا مش عايز اتطلق يا خالتي انا عايزه ادي له على دماغه

وشادية بتقول لها يبقى تسمعي كلامي وتنفذي اللي هقول لك عليه

ولبنى بتقول لها طيب قولي لي اعمل ايه

وشادية بتقول لها مره واحد كلمني في التليفون وقال لي جوزك بيخونك في شقه اسكندريه وهو واخوه معاه شويه نسوان اخذت الميكروباص وطبيت عليهم ولقيتهم عاملين سهره حلوه عملت ايه بقى رحت راجعه ورحت لابسه قميص نوم شفتشي

واول لما دخل عليا قلت له وحشتني يا رجب فهمتي اوعي تزنقي راجل وتحطي وشه في الحيط هيعند وهتخربي على بيتك.

ولبنى بتقول لها ابنك مش طايقني يا خالتي مختار مادخلش عليا لحد دلوقتي وشاديه مصدومه من اللي بتسمعه وبتقول لها خش جوه استنيه في اوضته والبسي لي الشفتشي .

المعلم فرج بيقابل عبد العاطي وبيقول له انت بتسرق كام من المعلم رجب كل شهر عبد العاطي بيقول له انا ما أقبلش على نفسي الحرام ابدا يا معلم والمعلم فرج بيقول له طب خلاص روح وبعدها عبد العاطي بيرجع في كلامه بسرعه وبيقول له حوالي 100 الف جنية في الشهر بعد كده المعلم فرج بيقول له انت هتعيش كم سنه يا عبد العاطي وعبد العاطي بيقول له يعني حوالي من 20/30 سنه والمعلم فرج قال له يعني انت في السنه بتقلب لك حوالي مليون و 200 الف جنيه يعني في 30 سنه تعمل لك حوالي 36 مليون جنيه وعبد العاطي بيقول له 40 مليون علشان نسبه السرقه بتزيد مع الوقت

والمعلم فرج بيقول له طب ايه رايك اللي يديك ال 40 مليون من غير ما تشتغل ولا تسرق وتاخدهم مباشر وعبد العاطي بيقول له ازاي مش فاهم والمعلم فرج بيقول له انا عايز احبس رجب ومختار

وعبد العاطي بيقول له ما كلنا مربوطين ببعض والمعلم فرج بيقول له لا انا مامن نفسي وانت هتامن نفسك

وعبد العاطي بيقول له طب سيبني اقلبها مع نفسي 40 مليون مش شويه برده

نصه بيروح مع واحد صاحبه جراج عربيات رجب الجريتلي وبيدور على عربيه رجب وبيحطوا له جهاز gps علشان يقدروا يعرفوا فين مكان مخزن المعلم رجب زي لما اش اش طلبت منه وبعد كده بيبعت رساله لاش اش وبيقول لها انه قريب قوي هيعرف مكان المخزن

نصه بيفتح الباب بيلاقي بوشكاش على الباب وبيقول له انت ايه اللي جابك هنا يابا وبوشكاش بيقول له وحشتوني

والتيسير اول لما بتسمع اسمه بتطلع له وبتقول له جاي ليه هنا يا راجل يا ناقص وبوشكاش بيقول لها عرفت قيمتك يا تيسير يا حياتي

وصفاء بتقول ده شكله شارب اصطفى اسمها حنولي

وبوشكاش بيقول لها انا بطلت يا صفاء بعد اللي جالي

انا جالي المرض الوحش انا جالي سرطان يا نصه

وتيسير بتقول له انت كذاب يا بوشكاش ايه اللي جابك

وبوشكاش بيقول لها حد يكذب في مرض يا تيسير وبعدين انا ايه اللي يخليني اكذب وانا معايا الفلوس دي كلها انا اتعظت بقول لك جالي سرطان

ونصه بيقول له يابا انت لو مثلت هتبقى فاشل سرطان ايه اللي يجي لك ده انت هتدفينا وتدفن عيالنا وهتقعد فيها لوحدك

وبوشكاش بيقول لهم اجرحوني براحتكم المهم ان انا اعيش في وسطيكو واشبع منكم قبل ما اموت عندكم حاجه اكلها

اخلاص رجعت البيت لقيت بوشكاش قاعد في وسطيهم ومسكت فيه وفضلت تضرب بتقول له انت ايه ايه اللي جابك هنا وتيسير بتقول لها بوشكاش عنده سرطان وجاي يموت في وسطينا يا اخلاص واخلاص بتقول لها وهو في سرطان بيجي له سرطان ده بيكتب وتيسير بتقول لها بوشكاش وعدني ان هو عرف غلطته وهيرجع الفلوس واخلاص بتقول لها هو مين ده اللي هيرجع الفلوس راجعه جوزك دي هنا ما لهاش غير حاجه من الاثنين يا اما اتنصب عليه في الفلوس يا اما اتسرقوا منه وتيسير بتقول لبوشكاش روح هات الفلوس علشان يصدقوك وبوشكاش بيقول لهم حاضر هجيبها بس مش هينفع دلوقتي بعد ثلاث سنين لان انا عملت بيهم شهاده في البنك

نصه عرف مكان المخزن وبعت لوكيشن بيه اول لما بتعرف بتكون رايحه كورس الانجليزي وبدل ما بتروح بتروح القسم وبتقابل الظابط وبتقول له على كل حاجه وبتبعت له لوكيشن المخزن والظابط بيقول لها احنا كده محتاجين ميعاد تسليم وكلهم يروحوا في داهيه واش اش بتقول له ده يوم المنى يا باشا

عبد العاطي جاب كشف مكالمات اش اش اخر 6 شهور وفضل يطلعهم رقم رقم على تروكولر لحد لما ظهر له اسم المقدم معتصم الالفي وعبد العاطي اتصدم صدمة كبيرة جدا اول لما شاف الاسم.

اش اش راحت لامها وقالت لها انها حامل من مختار وامها بتقول لها انت لازم تنزلي الواد ده من غير ما حد يعرف رجب لو عرف هيدفنك واش اش بتقول لها لا يا امي انا مش هنزله انا عارفه انا هعمل ايه ومسك التليفونها وبعتت رساله للحاج رجب وقالت له

* مبروك يا حاج انا حامل*