ما تقولش العمر فات … بقلم : نهى عراقي

ماتقولش العمر فات

دا لسه في حكايات

مليانة بالحاجات

هننسى دموع وآهات

ماتقولش العمر

خلاص ودعنا المسئوليات

يلا نبتدي أحلى بدايات

بلاش نبدلها بذكريات

تعالى نسهر بالساعات

عيش ما تقولش العمر فات

وندعي في الصلوات

يحفظ حبنا للممات

سامع  صوت الدقات

دقات قلب في حبك مات

ماتقولش العمر فات

منك كلمة حببتي

بترجعني لطفولتي

وكأنى لسة بضفيرتين

بلعب  بعروستي 

وبين زهور جنينتي

اطير ويا فراشتي

سامعة صوت ضحكتي

وشقاوتي وبراءتي

وجاي تقول العمر فات

دا لسه بينا حكايات

ما تقولش العمر فات