مجدي عبدالغني ينتقد ظهور جيلبرتو وجوزيه في إعلان استاد الأهلي: “إحنا فين من تاريخ النادي؟”
كتبت: دنيا أحمد
هاجم مجدي عبدالغني، نجم الأهلي السابق، مجلس إدارة النادي بسبب استعانتهم بالثنائي السابق سيباستياو جيلبرتو ومانويل جوزيه في إعلان خاص باستاد الأهلي الجديد، الذي تم عرضه خلال شهر رمضان الماضي.
وخلال ظهوره في بودكاست مع الإعلامي عمر ربيع ياسين، أعرب عبدالغني عن استيائه قائلاً:
“دلوقتي رايحين تجيبوا جيلبرتو من أنجولا وتلبسوه تيشيرت الأهلي وتحطوه في الإعلان علشان يحط طوبة في الاستاد! دا حتى في أنجولا ناس كتير متعرفهوش.”
وأضاف:
“وكمان جايبين مانويل جوزيه علشان يعمل نفس الدور! طيب وإحنا فين؟ جوزيه معملش التاريخ اللي إحنا عملناه. مع كامل احترامي ليه، إنما اللي عملناه للأهلي أكبر بكتير.”
وواصل حديثه متسائلًا:
“إحنا فين؟ أنا وربيع ياسين وماهر همام وأحمد عبدالباقي؟ ليه بس كابتن زيزو هو اللي بيتشاف؟ هو بس اللي عمل تاريخ الأهلي؟ دا كلام مينفعش، التاريخ ما يتلغيهوش ولا يتمحي.”
