محدش شاف حبيبي.. بقلم الشاعر/ حمادة العسكري
محدش شاف حبيبي ياولاد الحلال
تايه أيوا مني وبدور عليه
من يوم غيابه عني مفيش لو سؤال
مكافأه كبيره مني للي هيلاقيه
يارب إرحم حنيني من شوقي بعاني
يايرجع ليا تاني ياتعترني فيه
بدور في الشوارع وف كل الوجوه
سألت كل الناس اللي يعرفوه
عن أي مكان بيروحه شارع بيعدي منه
مين يعرف حاجه عنه مين أخر ناس شافوه
صعب أكمل حياتي وأرضى بالنهايه
وهو مش معايا بتغرب وأتوه
النبض في قلبي واقف من يوم البعاد
كأن قلبي حالف من غيره ماأعيش
أنا مستعد عشانه ألف البلاد
اللي بيني وبينه شوق ماينتهيش
لو أعرف مكانه وأشوفه من جديد
يبقى اليوم ده عيد يوم مايتنسيش
بدور في الشوارع وف كل الوجوه
سألت كل الناس اللي يعرفوه
عن أي مكان بيروحه شارع بيعدي منه
مين يعرف حاجه عنه مين أخر ناس شافوه
صعب أكمل حياتي وأرضى بالنهايه
وهو مش معايا بتغرب وأتوه
