محمد أشرف يكتسح الساحة الغنائية بكليب “ولا بتنشاف” ويحقق نجاحاً ساحقاً في ساعات
كتبت: مروة حسن
طرح المطرب محمد أشرف أول كليب له بعنوان “ولا بنتشاف” بعد غياب طويل، بالتعاون مع شركة صوت الحب، وقد حقق الكليب نجاحاً كبيراً خلال الساعات الماضية.
وأكد عامر عامر، مدير أعمال محمد أشرف، أن المطرب يستعد حالياً لتسجيل ألبوم جديد، حيث يعمل على إختيار الأغاني بالتعاون مع كبار الملحنين والشعراء.
ومن المتوقع أن ينتهي من الألبوم في الشتاء القادم، مع وعود بتقديم مفاجآت كثيرة.
كليب “ولا بنتشاف” من كلمات وألحان محمد أشرف نفسه، وتوزيع بيتر سمير، وهو من المرات القليلة التي يقوم فيها المطرب بكتابة وتلحين أغنيته الخاصة.
وتقول كلمات الأغنية:
المفروض آخد بالي
إن أنت مابقتش طريقي
نسيتني طب خير وعقبالي
علشان مفيش حل حقيقي
يجي بالليل ورا الليالي
وأقول بالوقت هتجيلي
ومتغيرش شيء من حالي
ولا من البعد بتميلي
وأهو المفروض أبطل أفتكر في وعود
ياريت الحب كان بيموت
وتفوت أيامنا وليالينا ونحط حدود
ولا بنتشاف بنمشي خفاف ومايهمش مين الغلطان
ولا بنتشاف لكن بنخاف
نشوف شكل الوجع ألوان
وحشاني وقلت ماوحشتنيش
فكرت ساعتها ان أقدر أعيش
كان نفسي إن اليوم ده مايجيش
فما تمشيش فما توحشنيش
الدنيا بتغمق علينا وكأنه غروب
وكأني غريب ما انتي اللي عايزة نقضيها هروب
ليه ديما بنقول مش فارقة
والقلب بيمسك في اللي سابوه
ليه ديما في واحد لعبة
وفي ناس لاعبوه
وأهو المفروض أبطل أفتكر في وعود
ياريت الحب كان بيموت
وتفوت أيامنا وليالينا ونحط حدود
ولا بنتشاف بنمشي خفاف ومايهمش مين الغلطان
ولا بنتشاف لكن بتخاف
نشوف شكل الوجع ألوان
لمشاهدة الكليب عبر الرابط:
