محمد امام يحتفل بعيد ميلاده مع المتابعين بصورة جديدة
كتبت: مادونا عادل عدلي
إحتفل الفنان الكوميدي محمد عادل امام أمس بعيد ميلاده ونشر الفنان اليوم صورة له عبر موقع التواصل الاجتماعي فيسبوك وكتب
احلى حاجة في يوم عيد ميلادي .. المعايدات و الرسايل و الكلام الجميل اللي بيجيلي منكم من كل مكان .. شكراً على كل الحب ده
محمد_امام
ولد محمد امام في 16 سبتمبر 1984، الذي تميز بخفة دم وقدرة على التقليد ممزوجة بشقاوة غير طبيعية، واستطاع سرقة الأضواء من والده بالرغم من قلة سنين خبرته، كما وضع اسمه في مصاف نجوم الصف الأول سواء في السينما أو الدراما
ونعرض لكم في السطور التالية مواقف طريفه من حياة محمد إمام..
وكان قد كشف الفنان محمد إمام خلال لقائه ببرنامج ” ETبالعربي عن أطراف مواقف في حياته، قائلا: “الواحد حياته اختلفت 180 درجة بعد ما خلفت، وحسيت بالمسئولية، وبقيت أفكر عندي كام في البنك، وحياتي اتحولت، بقيت بشوف ألعاب خديجة أكتر ما بشوف أهلي وصحابي، وأول ما بصحى من النوم بلاقي نفسي دايس على حاجة برجلي بسببها”.
وتابع محمد امام: “يوم ولادتها، فالولي هتدخل معاها العمليات قولتلهم لأ .. هي لما تولد قولولي أدخلها وأول ما دخلت على مراتي أوضة الولادة أعطوني خديجة وهي بتعيط، وكانت من اللحظات الغريبة في حياتي، واتأثرت جامد وقتها.. وفي عز ما أنا متأثر.. لقيت الدكتور بيقولي عايزك ثانية واحدة، قولتله (إيه يا دكتور؟)، قالي هوجان كان هايل.. قولتله (احنا في إيه ولا إيه يا دكتور، أبوس إديك.. قالي (أصل البيت والعيال عندي طايرين بهوجان.. اطمن مفيش حاجة كله تمام”.
وكان قد روى محمد إمام عبر حسابه علي إنستجرام عن موقف حدث له مع جاره، كتب: “إمبارح وأنا مروح قابلت جارنا، راجل لطيف جداً، وكان شايل طفل عمره سنتين تقريباً، علاقتي بجاري عبارة عن سلامات بس في الطالعة و النازلة..المهم قلت ابقى لطيف المرة دى معاه ليقولوا عليا تنك.. قولت له أخبار حضرتك ايه .. قالي الحمد لله .. قولتله مين الولد الأمور ده .. قالي ده عريس خديجة.. أنا فجأة لقيت الدنيا ضلمت في وشي و دوخت ومش عارف أخد نفسي.. ومش فاكر أنا رديت عليه ولا أيه اللي حصل ساعتها .. كل اللي فاكره أن أنا أول مادخلت البيت قررت اني مش هسلم على الجيران تاني ربنا يستر على الواحد من اللي هيشوفه، الصورة ملهاش علاقة بالموقف، بس تقريباً ده كان تعبير وشي لما الراجل قالي كده “.
وكان قد تحدث عادل إمام في لقاء قديم مع برنامج “ليلتي”، عن مواقف طريفة جمعته بمحمد في مرحلة الطفولة، موضحًا أنه كان يذكره بنفسه عندما كان صغيرًا، كما أن بعض المدرسين اشتكوا منه بسبب شقاوته، وهو ما كان يدفع عادل إمام للضحك.
