محمد بويكا لعالم النجوم هدفي صناعة محتوي مختلف و هادف يترك أثر
حوار / آيه سالم
تعددت أسباب الشهرة و خصيصاً عند تطور التكنولوجيا أصبحت الشهرة كبيرة و واسعة علي مدي كبير و لم تعد مقتصرة علي الفنانين و رجال الأعمال و الرياضيين و لكن أصبحوا مشاهير اليوتيوبر و التيك توك أكثر شهرة .
من هو محمد بويكا ؟
بويكا ده أسم الشهره بس إسمي الحقيقي محمد سامي مواليد محافظة الإسكندرية و أعمل جارد لتنظيم الحفلات و عضو في نقابة الصحافة و الإعلام .
و تحدث عن نفسه قائلاً “شاب زي أي شاب إشتغل و طلع عينه علشان بس يشوف يوم حلو ممكن مختلف شوية عن أي حد مش هدفي أن أوصل لحاجة واحده و أقول إكتفيت لا بتعب علشان أوصل لحلم حتي لو كان بسيط بس بوصل الحمدلله في مجال شغلي و شاطر” .
ما هو هدفك من تقديم محتوي عبر موقع التيك توك ؟
هدفي إن أقدم حاجة كويسة حاجة أتشرف بيها فعلاً و الناس هي اللي تقول بويكا بيعمل محتوي حلو أو جامد مش عايز منه أي حاجه غير إن أبسط اللي حوليه و دي أكتر حاجة بتفرحني لما بكون مميز مش أنا اللي بقول ده كلام الناس .
ما هو حلمك ؟
هو أنا لحد دلوقتي صراحة معرفش بس نفسي أعمل حاجه الناس كلها تتكلم عليها حتي لو مفيش مقابل أثبت ل ناس كتير إن عمري ما دخلت في حاجه و كنت فاشل فيها .
ما رأيك في مشاهير التيك توك الذين يقدمون محتويات هابطة أو مع فتيات من أجل الشهرة ؟
التيك توك ده الصراحة عمره ما عجبني و لا دلوقتي و لا الأول كنت بشوف كل الناس مع إحترامي ليهم مفيش حاجه تخليني أقول عليه ده ليه مستقبل في كذا للأسف كل اللي عايز يتشهر بيجيب بنات يا بيطلع يقدم محتوي تافه يمكن في ناس كتير مش ظهره بسبب الهبل اللي بيحصل علي تيك توك ده بس لو كل واحد فينا أتقدر علي حسب تعبه هتفرق كتير جداً ساعاتها كل واحد هياخد علي قد اللي عمله مش هيكون في ظلم و لا أفضل أصور طول اليوم علشان في الأخر فيديو ميجبش غير كذا مشاهدة و نشوف مشهد من مشاهد الهابطة يبقي تريند أتمني إن يكون في تغيير في مجال التيك توك علشان اللي يتقال عليه نجم يستحق الكلمة دي .
إستمتعت بحواري مع محمد بويكا لفكره الراقي حول صناعة المحتوي الهادف و ذكر أيضاً أنه لم يقصد الشهرة و لكن كانت شهرة بدون قصد حينما نشر فيديو علي مواقع التواصل الإجتماعي و تم إنتشاره بسرعة كبيرة أدت إلي شهرته حتي الأن .
