محمد درويش في حوار لـ جريدة عالم النجوم “سعيد بنجاح إلا أنا والسيدة زينب “

حوار: نهى وجدى

تحدثنا معه عن الكثير واخبرنا بتفاصيل دوره في “بالورقة والقلم” وباقي أدواره الماضية ومشواره الفني المشرف وعبر عن سعادته بنجاح اعماله وصرح لنا عن الكثير وعن تجسيده واستخدام صوته في شخصية بكار واليكم نص الحوار

كيف التحقت بالفن ؟

كنت من اطفال الاذاعة المصرية كان في اطفال بيمثلوا من وهما صغيرين خالص وكنت من اطفال الاذاعة مع ابلة فضيلة وبعد كدة خدتني استاذة منى ابو النصر وعملت دور بكار دا صوتي بتاع بكار نفسه

عملت اول جزئين في بكار وبعد كدة في زميل لينا اسمه عمرو مصطفى عمل الاجزاء الباقية من بكار وبعد كدة التحقت بالمعهد العالي للفنون المسرحية قسم التمثيل والاخراج ، ودرست التمثيل ومن هنا بئا

من رشحك لدورك في حكاية بالورقة والقلم ؟

اللي رشحني الشركة المنتجة والمؤلف امين جمال أنا شاركت معاهم حدوتة بنات موسي وربع قيراط ودي الثالثة والثلاثة نفس شركة الانتاج ونفس المولف امين جمال .

حدثني عن تفاصيل دور حضرتك في بالورقة والقلم ؟

شخصية حمادة هو ده المثال الطبيعي والمفروض يكون موجود للزوج يعني بيحبها جدا وهي بتحبه جدا ولما اتحط في اخنيار مابين حلمه ان هو يخلف وما بينها هي اختارها هي يعني دي قمة الحب الحاجات الرومانسي دايما ما قبل الزواج ما قبل الخطوبة فكرة ان يكون في حاجة رومانتك وحقيقة بعد الجواز دي كانت جديدة عليا اول مرة اصلا .

حكاية بنات موسي كانت اول حكاية اتعملت بسيستم 10حلقات كانت اول مرة واتعملت السنة الي فاتت وقت كورونا في شهر 3 فكان من حسن حظنا الناس كانت قاعدة في البيت بنتاقش قضية مهمة جدًا والتمثيل فيها حلو اووي ودي كانت وش الخير عليا في الفترة الاخيرة دي عرفتني للناس بشكل كويس وكان اسمي عوض وصعيدي وكان في ورث ومشاكل البنات اللي ملهمش اخ ولد في الورث والموضوع كان حلو اووي واتعمل كمان بجمال خاص.

ما اسباب نجاح بالورقة والقلم من وجهة نظرك؟

القصة عبارة عن بيت عز كان جميل جدا بس كئيب وحزين عارفة انتي احنا بنحب الحزن وبنحب نحط مناديل ونقعد نعيط فالحدوتة دي اول ما اشتغلنا فيها فقولتهم يا جماعة بصوا احنا جايين من موجة عالية جدا من نجاج بيت عز ف الناس ف او المسلسل مش هتستوعبنا خالص اول حلقتين او 3 حلقات مش هيفهمونا من اول الحلقة الرابعة الناس هتبدي تركز معانا والحمد لله والشكر لله ده فعلا حصل بالظبط في اول حلقة ناس بدات تشتم فينا وتقول ايه الزفت ده من اول الحلقة الثالثة الدينا بدات تظهر، ف المسلسل راح في حتة تانية خالص الحلقة الرابعة كل الناس بدأت تقول لبعض اتفرجت علي بالورقة والقلم من اول الحلقة 5في شدة من اول السادسة لاقينا مصر كلها بتتفرج النجاح ده الي حصل في بالورقة والقلم مكنش متخيلينوه ان هو هيطلع النجاح الكبير ده لان الحدوتة خفيفة جدًا مفيهاش حاجة والميزة كمان ان كل الممثلين حابين بعضهم كله كان بيساعد كله وكل الناس كانت جميلة والكواليس كانت اكتر من رائعة كانت حاجة تحفة الصراحة كان الواحد حابب ان هو يروح يصور في المسلسل وغير كدة من حظ اسامة العرابي كان اصلا الحدوتة دي من اخراج الاستاذ محمد بكير وجاتله كورونا بعد اول يوم تصوير واسامة العرابي المساعد بتاعه فاضطرت الشركة واضطر ان اسامة العرابي يكمل التصوير ف عاوزة اقولك ان دي كانت من اجمل لحظاتنا واللي اصلا عمل الروح دي ان كلنا عاوزين نطلع حاجة لاستاذ اسامة في اول اخراج ليه تطلع حلوة مش انا بس ومش الممثلين بس دا الممثلين والفنانين ومدير التصوير كل الكرو عاوز يدعم اسامة في اول تجربة اخراج ليه ف عاوز اقولك اني فرحان لاسامة العرابي بالتجربة اكتر ما فرحان لنفسى واللهي العظيم .

حدثني عن اعمالك القادمة ؟

انا ليا مسلسل دلوقتي لسة مخلصه بيتذاع على viuاسمه الحرير المخملي انا ده مسميه مسلسل المنتخب يعني فيه تقريبا معظم جيلنا خريخين معهد فنون مسرحية كلنا في المسلسل ده .

من رشحك لدورك في الحرير المخملي؟

رشحني للدور في الحريرالمخملي الشركة المنتجة هنا في ميزة تانية ان نفس الكرو هو كرو ربع قيراط

هل من عمل أخر تصوره حاليًا؟

بالطبع في مسلسل مهم جدا “السيدة زينيب ” واللي بيشارك فيه القمرات سوسن بدر ,محمود عبد المغني ,احمد وفيق, فراس سعيد ,دينا ,حسام داغر ,محمد يونس ,رانيا منصور ,سامي مغاوري “

المؤلف الاستاذ احمد صبحي ,المخرج العظيم الاستاذ محمد النقلي ,احنا بنعمل تمثلية انا مسميها تمثيلية مش عارفين لسة هتنزل امتا احنا لسة بنصور فيها 60 حلقة برضو قدامنا باذن الله 20 يوم تصوير .

حدثني عن احداث المسلسل ؟

المسلسل بيدور في منطقة السيدة زينيب والمسدج اللي احنا محتاجنها دلوقتي فكرة العائلة يعني انتي لو رجعتي بالزمن كدة من 10سنين هتلاقي فاكرة ماما لما كانت بتاخدك من ايديك وتقولك يلا هنروح لخالو ونروح لخالتو هنروح لجدو بنتقابل كلنا مع بعض دلوقتي مفيش الكلام ده، دلوقتي كل واحد في حاله وكل واحد مركز مع عياله وبس وبنتقابل في حاجتين ياما افراح ياما مايتم غير زمان ,فكرة العائلة فكرة الاصالة فكرة ان احنا نرجع لربنا فكرة الاخوات مع بعض الموضوع حلو اوووي في حاجات احنا مفتقدينها كتير المسلسل بيفتح العين عليها شبه المال والبنون واربيساك هو نفس الروح.

من رشحك لدورك في السيدة زينب؟

اللي رشحني فيه الاستاذ محمد النقلي المخرج لان الشركة دي مشتغلتش معاها قبل كدة اول مرة اشتغل فهو اللي رشحني .

هل من اعمال سينمائية؟

بالنسبة للافلام انا كنت ضيف شرف في فيلم “ماكو”هو المخرج صديقي جدا اسمه هشام الرشيدي اول تجربة كانت ليه مصورينه من سنتين على فكرة فكان اول تجربة ليا فقال لي هتعمل معايا والورق اهو قولته بقولك ايه يا هشام انا عاوز أعمل المشهدين دول قالي بتهزر قولته انا داخل تحدي بيني وبين نفسي لو الناس عرفتني في الفيلم ده يبقا انا مشتغلهاش تاني قالي خلاص يلا بينا وعملت مشهدين في الفيلم ومشهدين مهمين جدا في الاحداث بس جدعة اعرفيني .

وكان فيلم “شهر عسل “متصور كله في مليزيا هو نزل في artحصري هو من الافلام والادوار اللي بحبها جدا وهو من بطولتي انا ومجموعة من الشباب منهم هاجر احمد ,عبدالرحمن مالك,سلمي حسن فيلم عظيم وانصحك بمشاهدته

هو الفيلم كله هاني مون في ماليزيا احنا مصورينه كله في ماليزيا .

تجربة التليفزيون ولا السينما من وجهة نظرك ؟

دي ليها مميزات ودي ليها مميزات السينما تاريخ انتي بتعملي الفيلم مهما كان عدد السينين اللي بتيجي عليه فهو عايش وباقي وهيجيله يوم ويتشاف لكن المسلسلات هي الجماهرية هي اللي بدخلك لقلوب الناس وبتخش جوة البيوت من غير استاذن فهي شعبية

لكن السينما راقية شوية وعزيزة شويتن ممكن نعمل فيلم النهاردة زي” شهر عسل “مثلا عقبال ما الناس تشوفه فيها 5سنين بس سيظل ولكن المسلسلات بتتنسي .

حدثني عن اعمالك المسرحية ؟

انا عملت اول حاجة وانا في المعهد “شريحة و6 مسامير “دي كانت بطولة سامي مغاوري واخراجه في المسرح القومي وعملت بعدها مسرحية اسمها “البيت النفادي “دي اخراج كريم مغاوري ودي كانت علي مسرح السادات عملت مسرحية من اخراجي اسمها “الظلمة”وكسرت الدينا اخر مسرحيتن عملتهم واحدة اسمها “قريب جدا”دا كان توأم ملتصق الراس كانت اخراج اكرم مصطفى كان على مسرح العايم واخر مسرحية عملتها “الفنار”تاليف محمد محروس واخراج ماهر محمود .

نفسك تشتغل مع مين من نجوم الصف الاول ؟

انا نفسي اشتغل معاهم كلهم مثال “نفسي اشتغل مع الفنان الكبير يحيى الفخراني ,والنجم الكبير احمد السقا وحبيي وصديقي محمد رمضان .

حدثني عن عملك الروسي؟

كنت عامل مسلسل روسي كنت من احد ابطاله دا اخراج يوجين ايفانوفيتش اسمه” على الحافة “ودا كسر الدينا في روسيا لانه كان من انتاج التليفزيون الروسي .

واللي رشحني للدور هما عملوا سيرش على الممثلين المصريين واتكلموا مع نقابة المهن التمثلية واللهي كان في مشاهد بالروسي ومشاهد بالانجلش ومشاهد بالعربي هما اتصلوا بالنقابة ورشحلهم في مواصفات بعينه للدور اللي كنت بعمله فرشحلهم ناس كتيرة جدا والحمد لله تم اختياري.

وعملت فيلم مصري امريكي اسمه “mardige impossible”