محمد سعيد في حوار خاص لجريدة “عالم النجوم” هدفي أبقي منتج فني و أنتج حاجة بفلوسي

حوار / آيه سالم

مين هو محمد سعيد ؟

محمد سعيد درويش مواليد محافظة “القاهرة” عام 1993 حيث أن عمله بالمجال الفني و يعمل “مدير إنتاج” .

هل “مدير إنتاج” كان عملك من البداية أم لا ؟

أنا كنت شغال أصلاً واحد من رجالة الإكسسوار الناس دي فعلاً بتتعب جداً لحد ما فيه مدير إنتاج أسمه “مصطفى عبد الغفار” قالي أنا عاوزك تشتغل معايا في الإنتاج و بقيت منفذ إنتاج مسئول عن مشتريات الإكسسوار و سنة بعد سنة قرر “مصطفى عبد الغفار” و “كريم رضا” يرقوني و خلونى أدي أوردر للكرو و أوردر معدات تبع التصوير و كان أول عمل ليا تحت position إدارة إنتاج كان مسلسل “البرنس” و كمان مثلت في المسلسل و الموضوع كان صعب جداً بس هنا بصراحة فضلوا في ضهرى لحد ما بقيت متمكن في الموضوع ده .

حدثني عن أعمالك الفنية ؟

برنامج “سيد أبو حفيظة” و برنامج “أنا و أختي” و برنامج “رمضان أحلى” ، و مسلسل “الميزان – مملكة إبليس – البرنس – و كل ما نفترق ( ريهام حجاج ) – شقة 6 – منعطف خطر” ، و إعلان برومو قناة الحياه و إعلان المنصورة الجديدة و إعلانات zain سعودية و إعلان Hipro (محمد الشناوي) ، و أيضاً مجموعة من الكليبات و هم “كليب سهرانين – كليب ما تيجي نسهر – كليب بم بم ( محمد رمضان)” ، و أيضاً فيلم الشاهد الوحيد (سعودي) ، و إفتتاح طريق “الكباش الاقصر” الذي رج أركان جمهورية مصر العربية .

مين أكتر حد شجعك في مشوارك و كان داعم ليك ؟ و مين قدوتك في الفن ؟

أكتر ناس شجعتني “مصطفى عبد الغفار” و “كريم رضا” و فعلاً إتعلمت منهم كتير جداً جداً .

و قدوتي “ماجد الكدواني” و بحبه جداً جداً و كريم عبد العزيز .

المجال الفني بالنسبالك إيه ؟

حياتي جداً و على فكرة شغلنا صعب جداً بس فعلاً إدمان ممكن نقعد بال 36 ساعة و لا 48 ساعة شغالين بس فعلاً كل واحد شغال في الشغلانة دي أنا واثق إنه بيعشقها .

إيه أكتر الصعوبات اللي بتواجهك ؟

و الله كتير لأن شغلنا كله بيبقي على الهوا ف دايماً مضغوطيين لأن في شغلانات كتير كانت كواليسها صعبة جداً بس ببقي مبسوط فعلاً لما بتفرج عليها و بقول الحمدلله تعبنا ظهر و الناس حبت الأعمال دي .

حلمك و هدفك توصل لإيه ؟

إن شاء الله بجد هفضل أشتغل لحد ما أبقي منتج فني بإذن الله و فعلاً نفسي أنتج حاجة من فلوسي أنا .