محمد صلاح: “كان هدفي من البداية كل واحد يقدر يحقق حلمه”

متابعة: ثريا الصاوي

تستضيف الإعلامية إسعاد يونس النجم الدولي محمد صلاح مهاجم ليفربول في برنامج صاحبة السعادة المذاع على قناة dmc يومي الخميس والجمعة في تمام الساعة التاسعة مساءً.

وأبدى صلاح سعادته الشديدة بردود أفعال الجمهور نحوه قائلًا: “في العادي مش بشوف الناس بتقول ايه، أنا اتفاجئت بردود أفعال الناس، أنا ده كان هدفي من البداية إني أخلي كل واحد يقدر يحقق حلمي”.

وأضاف: “مفيش كلام كتير ممكن أقوله غير إني شايف إن عندهم أمل إنهم يقدروا يوصلوا لحاجة معينة، لما قعدت مع نفسي بعد سفري لسويسرا كنت بفكر أرجع مصر لأني مكنتش بعرف أتكلم إنجليزي، بس قلت أنا عايز أعمل حاجة مختلفة، عشان كده قعدت”.

وتابع صلاح: “كان ممكن من كام سنة حد يعتقد إن في لاعب مصري ممكن ينافس على الأفضل في العالم”.

وفي هذا السياق عرضت إسعاد يونس فيديو في حوارات خاصة مع نجوم مصر الذين جربوا تجربة الاحتراف في الخارج أمثال حازم إمام ومحمد زيدان وعبد الظاهر السقا وأحمد حسن.