محمد عز ينعي مدير أعماله بهذه الكلمات الموجعة للقلوب ويعترف بفضله

محمد عز بهذه الكلمات الموجعة ناعيا مدير أعماله مينا نور ويذكر وقفته بجانبه

محمد عز نعى مدير أعماله مينا نور الذي وافته المنية، أثناء إجرائه عملية جراحية .. حيث كتب على حسابه الشخصي فيس بوك هذه الكلمات المؤثرة

كتب محمد عز

اول ما اشتغل معايا قولتله انا اجرى ضعيف معييش فلوس اديهالك. قالي انا بحبك وعاوز اشتغل معاك وانا معاك على الحلوة والمرة
وكان قد كلمته في الحلوة والمرة في ظهري وفي كتفى لو نجحت يطير من الفرحه ولو وقعت او الأيام ضيقتها علينا كان اول واحد يقومنى علي حيلي.
قسمنا الرغيف و السيجارة والفلوس .
اما كانت تزنق معايا كان يروح يستلف ويدينى ويقولي لازم يبقي شكلك كويس قدام الناس. كان بيتقطع لو حد كل حقي وكان ممكن يعمل المستحيل عشان حقي يرجعلي .

وأكمل حديثه قائلا

اقسم بالله كان يطلع اللقمة من بقه ويديها لي
كان مآمن فيا و مصدق انى هنجح وكان دايما يقولي انا هبقي مدير أعمال أهم ممثل في مصر وكنت بضحك واقوله مش قوى يا عم كان يقولي هتشوف
مكنتش بفكر في حاجه ولا يشغلنى شئ طول ما هو موجود جنبي
الف رحمه ونور عليك يا حبيبي واخويا وصاحبي.
ومتقلقش اللى حلمنا بيه هعمله عشان خاطرك انت بس والله . انت اكتر انسان حبيته يا مينا.
ارجوكم ادعوله
ادعوله كان جدع وراجل مع كل الناس .